Rakhine Ramah Tih A Nung Taktak Mi Thil A Cang!!

Rakhine Ramah Sangukbawi Thah A Tong
==========================
Rakhine ram, Ann pengkulh ah tuni zinglei suimilam 9:00 hrawngah sangukbawi pakaht cu a inn pawng lamah namte in voi 22 sawh a tong ii a nunnak a liam tiah theih a si. A nunnak a liam mi Ann pengkulh sangukbawi cu Ann chuapi chung sang (5) nak sangukbawi a si ii a mah hi kum 30 leng a si cang mi U Chit Zaw Win a si tiah theih a si. U Chit Zaw Win cu a pumah namte hma voi 22 hrawng sawhnak in a nunnak a liam mi a si i a luu le a thin, a tang hna ah namte hma a tam deuh tiah Police he aa neihniam mi tualchung mi pakhat a chim nakin theih a si.

U Chit Zaw Min a thihnak kong he pehtlai in Ann pengkulh khuaukbawi zung le Police sakhan hmu hna sinah pehtlai an si ko nain pehtlaih khawh an si lo tiah theih a si. Ann pengkulh ah sangukbawi a tu bantukin tuahto a ton hi a voikhatnak lawng a si rih tiah an chim. ” Ann pengkulh ah pakhat le pakhat namte in ii sawh in i thah hi a tlawm ngai ngai tew, a um bal hraw rih lo. A tu zong hliamhma tampi he chun lai ah a si chap khuaruah har awk ngai a si.” tiah tualchung mi pakhat nih a chim. Tette pawl zong tlaih khawh le hmuh khawh an si rih lo tiah theih a si.

NASA Nih Australia Ram In Rocket Kan Thlah Lai Tiah A Thanh!: NASA nih scientific research caah tiin Australia chaklei hmun in rocket 3 cu a rauh hlan ah vanlei ah kan thlah lai tiah nawlngeitu nih an thanh. Australia cozah nawlngeitu hna zong nih Arnhem Space Centre in rocket thlahnak nawl kan pek cang tiah Prime Minister Anthony Albanese nih nizan June 8 ah a chim. Australia le NASA karlak ah direct in pehtlaihnak kan ngeihmi hi Australia rammi mipi hna caah i lawmh phu taktak a si tiah Albanese nih a chim chap.

Tutan NASA hmuitinhmi cu vawleipi thlanglei, a cheu te lawng hmuhkhawhmi Astronomical sining dothlatnak a tuah lai. A vawikhatnak bik rocket cu June 26 ah an thlah lai i, a dang pahnih cu July 4 le 12 ah an thlah te lai tiah theih a si.

Rocket thlahnak cu hlunghlai ngaingai in tuah timh a si i, NASA chungtel minung 75 hna cu Australia ram ah an kal lai. Atu an thlah dingmi rocket hi 1995 hnu thawk in NASA nih Australia ram in a hmasa bik rocket an thlah dingmi an si. Australia ngeihmi vanlei boruak ngiathlaitu agency nih Kumhnih chung dothlatnak an tuah hnuah Nasa Campaign caah tiin Arnhem Space Centre in rocket thlahnak nawl license cu an pek tiah theih a si.

National Unity Givernment(NUG) ramdang palai(Foreign Minister) Zin Mar Aung le Sweden ramdang palai Ann Linde cu nizan June 8 ah tonnak an ngei i, Myanmar ram Democracy kong an ceih, tiah NUG nih cathanh an chuah. Tonbiaruahnak ah cun Myanmar ram Democracy kong ah ram hnih i bawm in rianṭuanṭi ding, Federal Democracy ram thar sernak caah Myanmar rammi nih zeizong vialte kaltaak in ralkap an dohnak, khat le khat zawnruahnak lungput he Myanmar rammi bawmhchanhnak kong le SAC ralkap nih rammi cung ah an sualnak kong hna an ceih, tiah theih a si. Democracy cu Myanmar rammi hna nih an aupi pengmi le an cohlan mi a sinak kong cu, Sweden ramdang palai Ann Linde nih a Twitter ah a ṭial.

US cozah nih NUG cozah cu mizapi theih in pehtlaihnak a tuah bantuk in pehtlai cio u tiah Derek Chowlet nih ASEAN ram hna cu a forh hna, tiah The Strait Times nih a langhter. Myanmar democracy a hmuh ṭhan khawhnak ding le SAC nih an tuahmi sualnak le thahnawnnak hna cu ṭuanvo an laak khawh nakhnga US cozah ramdang pehtalihnak zung i ruahnak petu Derek Chowlet cu June 7-14 tiang, Thai, Singapore le Brunei ram ah a tlawng cuahmah lio.

Nihin ni tiang ah ASEAN ramchung in Malaysia ramdang pehtlaitu minister lawng nih NUG cozah ramdang pehtlaitu minister he zapi theih in tonbiaruahnak an ngei. Derek Chowlet forhfialnak bia hi a hlawhtlin ahcun SAC caah ramdang dang he i-pehtlaihnak (embassy) kong ah faak tukin sunghnak a tong lai tiah Yangon hrambunh ramkhel sining tuaktantu nih a chim.

Myanmar kong he pehtlai in ASEAN ram hna sinin kan i ruahchan khawhmi ram cu Singapore, Malaysia, Indonesia le Phillipine hna hi an si i, NUG cozah he langhngan ngai in tonnak an ngei kho. Min Aung Hlaing nih ahohmanh zeirel loin a duh paoh a cawlcangh ahcun NUG cozah caah cun ramdang he i pehtlaihnak hi a ṭha chin lai i, ASEAN ram hna nih NUG cozah he langhngan ngai in tonnak le i pehtlaihnak an tuah lebang ahcun Min Aung Hlaing caah sunghzatlaknak taktak a si lai tiah a chim chih.

Derek Chowlet Singapore a phak tikah, Siangapore ram hruaitu hna zong i tel ding in timhtuahnak an ngeihmi Myanmar buainak kong he pehtlai in chimrelnak an ngeih dingmi conference ah Derek Chowlet zong a kai ve lai.

Post Views: 56

Rakhine Ramah Tih A Nung Taktak Mi Thil A Cang!!

Be the first to comment

Leave a Reply Cancel reply