Rakhine Ram, Ralzaam Pawl An Umnak Sakhan Ah Thlichia fak Tukin A Hrang
Rakhine ram, Coh Taw, Myo Oo, Buti Taung le Maung Taw khuapi chungah ralzaam pawl am umnak sakhan lei ah nizaan April ni 20 zaan lei sangah thilchia fak piin a hran caah caan kar ralzaam pawl an umnak inn sakhan zaa leng a rawk tiah Maung Taw ralzaam minung pakhat nih a chim.
” Coh Taw, Myo Oo, Buti Taung le Maung Taw peng chungah ralzaam sakhan 40 leng a um. Mah hna chuangah caan kar ralzaan umnak in 240 cu minung um tlak loin a um caah a bik in bomh an herh tiah’ ralzaaam pawl bomchanhtu Maung Taw in minung pakhat nih a chim.
Mah sakhan pawl cu 2020 lio i Rakhine ram thlang lei ah cang mi kahdohnak ruangah inn le lo chuah tak in a um mi an umnak ralzaam sakhan pawl an si tiah theih a si. Mah kaa sakhan ah cun ralzaam minung ting 2 leng an umnak a si tiah theih asi.
KNU Brigade 5 Hmunhma Ah SAC Ralkap 120 Leng An Thi, KNU ( Karen National Union) Mutraw pengkomh Brigade 5 hmunhma chungah a luancia ni 15 chung kahdohnak ah SAC ralkap a thi mi le hliam an tuarmi 120 leng an si tiah KNU Center nih cathanh a chuah.
April 1 in 15 ni tiang KNLA ( Karen National Liberation Army) le SAC ralkap karlak kahdohnak voi 174 a chuak i SAC ralkap 81 an thi, 44 hliam an tuar tiah theih a si.A thimi chungah tatkhuaihmu 1, tat kyiat Gyi 1, tat kyiat 1 an i tel i SAC ralkap mawtaw 3 hrawh a si tiah theih a si. Karen National Liberation Army (KNLA ) ralkap lei in 1 a nunnak liam i 7 hliam an tuar tiah cathanh an chuah.
Yuangan Khuapi PDF Sakhan Pakhat SAC Ralkap Nih An Lak. Shan ramkulh thlanglei, Yuangan peng, NuaBanGyi khua nitlaklei tlang le tlang karlak ah a um mi PDF sakhan cu SAC ralkap nih thazaang tampi hmang in an lak tiah theih a si. Yuangan ( ရွာငံ) khuapi chung ruah a sur i minmei nih a zelh dih lioah SAC ralkap hna nih tanglei lawng si lo in Jet vanlawng 3 zong an hman tiah theih asi.
Hi Sakhan (Camp) i a ummi hna cu Yuaan (ရွာငံ) Yanngan Defence Force (YDF) le Tuanggyi PDF ( TPDF )a fonhmi phu hna an si i an mah he i pehtlaih khawh a si rih lo caah thawngfiang kan thei kho rih lo tiah Shan ramkulh tlanglei um PDF ralkap pakhat nih DVB ah a chim.
SAC ralkap hna nih PDF sakhan cu an luhhnawh hnu ah NuqBanGyi ( နွားဘန်းကြီး) khuachung inn zong an khangh hna tiah theih asi. Yua Ngan ( (ရွာငံ) khuapi ah a um mi khuami pakhat nih ” SAC ralkap nih YuaNgan khuapi ah ralkap thazaang tampi a chap, PDF hna he pehtlaih nak nan ngei tiin tlaih a tongmi hna zong an um. CDM cozah riantuan hna i an inn pawl cu an kharpiak mi hna le an khangh piak mi hnazong an tlawm lo. Cheukhat ralzaam hna zong harnak phunkip an tong ” tiah a chim.
Leave a Reply