Rakhine Ralkap AA Nih Thgawngthanhnak An Tuah!!

AA Nih Rakhine Ram Khuapi Kip Ah SAC Ralhrang Nih Mipi MInung 49 An Tlaih Hna Tiah Thanhnak A Tuah
=============================
Rakhine ram khuapi kipah Sittwe, Ponna Kyun, KyaukTa, Mrauk-U tibantuk in khuapi kip ah sualngei lo mipi minung 49 SAC ralhrang nih an tlaih hna ii hi hna chungah kum tling lo hngakchia minung pa 5 an i tel tiah AA nih thawngthanh nak a tuah. AA nih June ni 27 thanhnak a tuah mi ah KyaukTaw khuapi in minung pa 7 le Mrauk-U khuapi in minung pa 9 an i tel tiah a langhter.

KyaukTaw khuapi in SAC ralhrang nih an tlaih mi hna cu KanNaa lam, Khuathar sangah a um mi Htay Htay (Kum30 ), Shan Ywa sangin Nway Nway Oo (23), Bochoh Pyan lam, khuathar sang in Sanda (29), Pyidaungsuu sangin Ko Zaw Win (42), Nyein Nyein (37), Khaung Tot khuate in Kyaw Than Maung (55), Kyauktan khuate in Maung Myat Hlaing (43) hna an si tiah theih a si. An Tlaih mi hna laak ah Sanda, Htay Htay le Nyein Nyein hna cu June thla ni 21 ah an thlah tthan cang hna tiah AA nih thanhnak a tuah.

Mrauk-U khuapi in an tlaih mi hna cu Aung Dai khuate in Abul Ka Thein (25), Paungtot khuate in Rohat Hussein (30), Chinram Matupi khuapi in Mg Ram Liam (41), Paletwa khuapi in Phwe Ai (28), Pinlaung pengkulh in Mg Phyo Wai (25), Tim Nyo khuate in U Pyae Sone Win (36), Kyauk Raj sangin Kyaw Win Hlaing (22) le Wa The sangin Ko Ko Myint (23) hna an si tiah theih a si. Mah hna cungah Rohat Hussein cu an thlah tthan ii Tlaih mi chungah Mrauk-U penghkulh, Kone Baung khuate in kum 18 a tling rih lo mi Chit Su Bu (13) aa tel tiah theih a si.

Ponna Kyun khuapi zongah SAC ralhrang nih an tliah mi mipi sual ngeilo pa 8 an um ii mah hna chungah Pauktaw Pyin khuate in kum 17 a si mi sianghnakchia pakhat aa tel tiah June ni 27 ah thanhnak an tuah. June ni 25 ah thanhnak an tuah mi ah Sittwe khuapi in minung 21 an si ii mah hna chungah kum 14 minung pakhat, kum 15 pakhat le kum 17 minung pakhat minung pa 3 an si tiah theih a si. AA nih theihternak a tuah mi ah khuapi dang zongah SAC ralhrang nih sual ngeilo mipi cu tlaih dingin an kawl hna ii hlethlainak an tuah cuahmah lio hna a si tiah thanhnak ah an langhter chih.

Kyaukphyu pengkulh, MuuRuun khuate ah mino pa 2 SAC ralhrang nih JUne ni 24 ah an tlaih hna ii chungkhar he zong pehtlaih khawh an si lo ii a nunnak caah thinphan ngaingai an si tiah chungkhar nih an chim. A tu tiang ah SAC ralhrang nih an tliah mi hna mipi sualngeilo hna cu khuaikaa hmun ah dah an chiah hna ti hi theih khawh a si lo caah tlaih khih a tongmi chungkhar thinphan in an um tiah theih a si.

Rakhine tatmadaw AA nih a luanciami June ni 16 ah Ponna Kyun khuapi ah SAC ralhrang phu chungtel pakhat, June ni 20 KyaukTaw khuapi ah Police phu minung pa 3, June ni 21 Mrauk-U khuapi in (စရဖ) phu chungtel minung pa 3, June ni 22 Rambee khuapi in Police phu pa 2, JUne ni 23 ni ah tlaih an si hnu ah SAC ralhrang nih mah kaa hmunhma khuapi hna ah cun tlaih dingin an hmuihtinh a si tiah theih a si. Crd-Western News

Myanmar National Armed Force (MNAF) hruaitu pakhat a si mi Bo Mya nih cu a ngeih mi Sing 900 leng hmang in 60mm hlawhtling tak in a ser khawhnak kong a chim. MNAF ah Deputy Battalion Commander a si mi Bo Mya hi dothlennak ah biatak tein thazaang le fimthiamnak a chuahtu pa a si i, a ngeih mi phaisa sing 900 leng hmang in 60mm rocker a ser mi cu hlawhtling taktak in a hniksak cang i SAC ralkap dohnak zong ah hman a si cang.

SAC ralkap doh awk ahhin Lai Meithal he lawng a ngah lo timi ai fian tuk caah a innlo a zuar riang mang in a hmuh mi phaisa sing 900 leng hmang in a thiam mi 60mm rocket siseh, mine bomb le a dang hriamngan tampi a ser hna. A ser mi 60mm rocket nih hin Meng 1-2 karlak hi a hei kah khawh tiah a chim chap. Khua tuan deuh ah Vanlawng kahnak ka rak ser, ka lim cang nain hniksak kai timh lai te bak ah kan camp an rak luh hnawh i an ka khangh piak dih. Hi tan ahhin Sing 100 leng man kan sung tiah a chim.

China ram ah nungakno te pakhat nih nikhat ah sau nawn chung a phone in game ai celh peng ruang ah a mit a caw tiah theih a si. Kum 21 mi nungakno te pakhat nih China ram ah a lar ngai mi game Honor of Kings timi game cu a mit ai rawk hlan lo ma kho lo in ai celh peng ee tiah theih a si. Cu hnu ah a mit ruang ah Si-iin ah kal in ai piah len ko nain a tlai deuh cang ko rua. Wu Xiaojing nihhin a vorh lei mit zong RAO in a rak i zoh ter bal cang. Asinain a tu hi a mit a caw thai kho men cang mi dirhmun ah a dir.

A nu le pa zong nih ralrinnak an pek lengmang ko “na mit hna ai hrawk sual lai ee” tiin. Hi bantuk in nai celh peng ah cun na mit caw taktak lai hi aw ti zong ah ralrinnak an pek. “Rian ka ttuan lo ni ah cun, zing suimilam 6 ah ka tho, thaithawh ka ei, cu khawh bak cun zaanlei suimilam 4 tiang game cu kai kah” tiah a mit a cawmi nu te nih cun a chim. “zei maw ka ei, caan tawi ka van i hngilh, ka tho tthan, cun game cu kai kah i zinglei suimilam 1 le 2 tiang cu ti cun ka caan ka hmang” tiah The Global Times sin ah a chim.

Minung nuai 200 nih Honor of Kings timi game cu an smart phone ah an i chiah tiah theih a si. kum 12 tang hngakchia ca ah nikhat ah suimilam 1 chung lawng celh khawh ding in tuah a si. China mi lawng an si lo, Laimi lak zong ah hi bantuk minung an tam pi, hi hnu ah mit tthalo hna an um sual nakhnga lo midang zawn ruahnak he rak Share ve. Ref:Metro

Post Views: 64

Rakhine Ralkap AA Nih Thgawngthanhnak An Tuah!!

Be the first to comment

Leave a Reply Cancel reply