Hriamnam Pathum In Rak Hlam Hna Uh, Matupi le Monywa ah raltuk hna cu hraimnam Pathum in CDM an tuah ruangah , SAC ralhrang hna nih Mipi sual negi lo mi Minung pa 7 an tlaih hna i, an hrem hna hnu ah hriamnam pathum in rakthlam dingah an tlaihkhawn nak kong cu Matupi CDF nih tuni May thla ni 4 ah cathanh a chuah. Matupi hrambunh mipi sakhan ah SAC ralhrang ralkap Chit Ko Ko le Monywa hrambunh a si mi Thah Pah Yah ( 929) in ralkap Phyo Min hna cu BA-72, Ma-2, Ma-3 in hriamnam le kuan in Matupi CDF sinah April ni 21 ah SAC ralhrang uknak duhloin CDM an tuah tiah theih a si.
SAC ralhrang ralkap hraimanm pathum hngah khawh nak hnga ding caah tiin Matupi khua chung ah nu minung pa 7 tel in minung pa 8 cu an tlaih hna an hrem hna tiah theih a si. Mah SAC ralhrang nih tlaih mi han cu Matupi CDF nih duhlo langhternak cathanh an chuah tiah theih a si.
Relchap, Kachin ramkulh, Phakanh peng Lungkhin khuakomh, Hmawpung khua cu May 3 zaan 7:45 ah SAC ralkap nih hriamngan in an kah thlorh caah kuan nih khua mi 2 a khen hna i, an nunnak a liam, tiah tualchung mi nih Yangon Khit Thit ah an chim. A thi mi hna cu U Yung Kui kum 60 le U Maung Hto kum 45 an si i, kuan nih a khen hna nak hmun ah an nunnak a liam colh, tiah theih a si. Kahdohnak um loin SAC ralkap nih hriamngan cu an duh ning poh in an kah, tiah an chim. Tuzing May 4 zinglei zong ah hriamngan lung 2 an kah, Hriamngan kuan cu lungkhat a puak i, lungkhat tu cu puak lo, tiah tualchung mi nih an chim.
Chin ramkulh, Falam peng Ramthlo khua Strawberry dum 2 telh in khuachung inn 10 cu nihin May 4, zinglei ah Hakha in a chuak mi SAC ralkap hna nih an khangh, tiah Ramthlo khua mi ralzaam pakhat nih a chim. “A voikhatnak ah Strawberry dumchung inn 2 a kaang. Cu hnu ah kan khuachung ah an lut i inn 8 an khangh ṭhan. Zinglei ah cun kan khua he meng 2 tluk aa hlatnak Tlangzaar khua an phan cang.
‘SAC ralkap Hakha in an i thawh’ ti kan theih ah kan dihlak in ramlak ah kan zaam dih i, kan thilri zong ramlak ah kan chiah cang. Kum upa deuh cu Falam ah kan kalter hna,” tiah ralzaam dirhmun in um mi Ramthlo khua mi pakhat nih a chim.
Ramthlo khua cu inn 180 hrawng umnak khua a si i, milu 800 tluk an um. SAC ralkap motor ruun cu May 2 ah Hakha in Falam lei ah an kal i, nizaan May 3 zaanlei ah CDF Hakha he an i kap. Cu hnu in nihin ah Hakha le Falam kar um Ramthlo khua cu an khangh hi a si, tiah tualchung mi hna sin in theih a si.
Shan ram thlanglei Musae pengkomh Namkham peng, Namkham-Maiwi kalnak lam Namhti khualuhnak ah phaisa a khawltu SAC ralkap kuttang um thawngpetu 3 cu tlaih an ton lio ah an zaam caah thi lak in kah an si, tiah mizapi vengtu ralkap phu nih an thanh. Hi thil a can lio hi May 3, zinglei suimilam 7:30 ah a si i, gate hngaktu 3 hna cu kah an tonnak hmun ah an thi colh, tiah theih a si. Shan ramkulh chaklei um mi, SAC ralkap duhning in a um mi department kip in cozah rianṭuantu hna le SAC ralkap sin thawngpetu hna cu hmalaknak tuah nan si lai, tiah mizapi himnak ralkap hna nih ralrin peknak cathanh an chuah.
Leave a Reply