R2P Executive Director bia : Sualnak ngeilo rammi a hrem i a that cuahmah mi SAC bawi pipi an kal nakding hi ASEAN summit meeting hmunhma a si bak lo

“Sualnak ngeilo rammi a hrem i a that cuahmah mi SAC bawi pipi an kal nakding hi ASEAN summit meeting hmunhma a si bak lo. Cikcin he thonginn tu hi annih pawl kal nakding hmunhma a si deuh,” tiah Responsibility to Protect (R2P) in Executive Director Simon Adams nih a Twitter cahmai ah a tial.

Relchap : Miss Thuzar Wint Lwin nih Thantlang ralzaam caah bawmhnak pek

October 17| A voi 69nak Miss Universe zuamnak ah Thuamthil Dawhbik in teinak hmutu Miss Thuzar Wint Lwin nih Thantlang ralzaam bawmhnak tangka Ks.500,000 a pek tiah kan theih.

Hi bawmhnak hi Thantlang Placement Affairs Committee (TPAC) sin ah a pek i TPAC zong nih lunglawmhnak cathanh an chuah.Miss Thuzar Wint Lwin cu Avoi 69nak Miss Universe ah LAI thuam in Thuamthil Dawh Bik (Best National Costume) cotu a si.

TPAC nih hin Ramchung Ramleng bawmhnak in Thantlang khuami ralzaam cheukhat (naupawi le ngakchia deuh) sin ah tangka Ks.30,000 cio le facang bawmhnak an rak pek bal cang hna, tiah kan theih.

The Hakha Time