Kyauk Hlae Ka khua Kahdohnak Ah PDF 5 Nunnak A Liam, SAC Ralkap 9 An Thi, SAC Ralkap Nih MimawngKung Khua An Khangh I, khuami 4 An khanghchih Hna
======================================
Kyauk Hlae Ka khua Kahdohnak Ah PDF 5 Nunnak A Liam, SAC Ralkap 9 An Thi: Tanintharyi ramṭhen, Tayatchawng peng KyaukHlaeKa(ကျောက်လှေကား) khua kahdohnak ah PDF 5 nunnak a liam i, SAC ralkap lei in 9 an thi ve cupinah SAC ralkap dang 3 hliam an tuar, tiah tualchung hriamtlai phu nih cathanh an chuah. Kyauk Hlae Ka(ကျောက်လှေကား) khua pawng ah tualchung hriamtlai phu hna cu July 10, zinglei suimilam 5:00 in 7:00 tiang SAC ralkap nih hriamngan in an kah hna caah kaphnih kar kahdohnak a chuak tiah tualchung hriamtlai phu in ṭuanvo ngeitu nih a chim.
Cu kahdohnak ah cun tualchung hriamtlai phu lei in minung 5 nunnak a liam, tiah Dawei East Forest People’s Defence Force nih nihin July 15 ah cathanh an chuah. RELCHAP: Mandalay Ah Thongtla Nu Pakhat A Chuahpitu Palik le A Chuahpimi Nu Cu A Himnak Hmun an Phan Cang: Mandalay ramṭhen Mahlaing peng palik sakhan ah phungrelnak 50 in tlaih a tongmi nu, Mah Ei Ma Tanda Aung thonginn chung in a khamhtu/chuahpitu palik Soe Paing cu Mandalay hriamtlai phu nih a himnak hmun ah an kalter cang, tiah theih a si.
Mandalay hriamtlai phu sinah palik Soe Paing nih cun CDM tuah a duhnak kong pehtlaihnak a tuah hna hnu ah, thongtla nu pakhat cu a chuahpi i, atu ah cun a himnak hmun ah kalter a si cang, tiah Kings Cobra Guerilla Force nih an thanh. “July 9 zinglei ahkhan thonginn chung in an zaam i, zaanlei hrawng ah pehtlaihnak an kan tuah. Mandalay ah ni 3 chung an i thup i, nizaan July 14 ah a himnak hmun ah kuat an si cang,” tiah Kings Cobra Guerilla Force in Bu Muai Puai nih a chim.
SAC ralkap lei nih, tlaih a tongmi thongtla le palik an zaam nak kong he pehtlai in cathanh an chuahmi a um rih lo. SAC Ralkap Nih ih MimawngKung Khua An Khangh I, khuami 4 An khanghchih Hna! Sagaing ramṭhen Yee-U peng, MimawngKung(မီးမောင်းကုန်း) khua cu SAC ralkap nih July 13 ah an khangh i, tar nu pakhat le midang 3 zong mei nih a kangh in chih hna, tiah theih a si.
Kum 90 hrawng a simi Daw Tan Hṭi cu SAC ralkap nih inn an khangh lio ah mei chung ah an thlak chih i, khuami 3 cu lam hmuhsaktu ding in an kalpi hna hnu, KanPoah(ကန်ပေါက်) khua an phanh ah mei khangh in thah an si, tiah tualchung hriamtlai phu chungtel pakhat nih a chim. MimawngKung(မီးမောင်းကုန်း) khua cu inn 150 hrawng umnak khua a si i, inn 70 leng a kaang, tiah theih a si.
SAC Ralkap Nih MimawngKung Khua An Khangh I, khuami 4 An khanghchih Hna! SAC Ralkap Nih MimawngKung Khua An Khangh I, khuami 4 An khanghchih Hna!: Sagaing ramṭhen Yee-U peng, MimawngKung(မီးမောင်းကုန်း) khua cu SAC ralkap nih July 13 ah an khangh i, tar nu pakhat le midang 3 zong mei nih a kangh in chih hna, tiah theih a si.
Kum 90 hrawng a simi Daw Tan Hṭi cu SAC ralkap nih inn an khangh lio ah mei chung ah an thlak chih i, khuami 3 cu lam hmuhsaktu ding in an kalpi hna hnu, KanPoah(ကန်ပေါက်) khua an phanh ah mei khangh in thah an si, tiah tualchung hriamtlai phu chungtel pakhat nih a chim. MimawngKung(မီးမောင်းကုန်း) khua cu inn 150 hrawng umnak khua a si i, inn 70 leng a kaang, tiah theih a si.
Relchap, (Photo Dang) Yeni Nichuahlei Naypyidaw PDF Camp Cu SAC ralkap Nih An Kah I, PDF 1 Nunnak Liam!: Pako ramṭhen Yeni nichuahlei Naypyidaw PDF 802 battalion sakhan cu July 14, zaanlei ahkhan hmunthum in kah an ton caah PDF pakhat nunnak a liam. SAC ralkap lei in minung 6 hrawng an thi, tiah Naypyidaw PDF 802 sin in theih a si.
“Kan umnak hmun panh in SAC ralkap nih hmunthum in rallam an kan sial hnawh i, an kan kah caah kanmah lei in minung pakhat nunnak a liam, kuan kan ngeih ti lo caah hnu kan tolh i, cycle 2 le meithal 2 kan sung,” tiah Naypyidaw PDF 802 nih cathanh an chuah.
Naypyidaw PDF chungtel pakhat cu nai ahkhan SAC ralkap nih an tlaih i rallam sialnak ah an i ratpi tiah PDF chungtel pakhat nih a chim. “Tlaih a tongmi PDF pakhat sin in kan sakhan umnak an theih i, tlaih a tongmi cu hriṭem buin an i ratpi ka hmuh, kahdohnak ah SAC ralkap 6 an thi,” tiah Naypyidaw PDF 802 battalion chungtel pakhat nih a chim.
Ukraine Nih North Korea Phihkharnak A Tuah Ruangah N. Korea Nih A Mawhchiat!: Russia nih Ukraine ram nichuahlei um Donetsk le Luhansk cu Independent ram ah a phuan mi cu North Korea ram nih a cohlan hnu in Ukraine nih N. Korea he ramhnih i pehtlaihnak cu a phih i, North Korea nih Ukraine cu a mawhchiat tiah theih a si.
N. Korea nih Donetsk le Luhansk cu Independent ram ah a cohlan hnu in Ukraine nih July 13 ahkhan ramhnih kar pehtlaihnak cu a rak phih ve. Kan hnu thla ah Russia hawikom a si mi Syria nih Donetsk le Luhansk cu independent ram ah a cohlan hnu in North Korea nih atu bantuk in a cohlan ve.
Hi ramkulh pahnih Independent ram ah kan cohlan mi cung ah Ukraine nih North Korea cung ah phihkharnak tuahnak nawl a ngei lo tiah N. Korea Khualipi Pyongyang ministry of foreign affairs zung chimnak nawlngeitu nih a chim, tiah KCNA nih a ṭial. Russia nih N. Korea sin ah Donetsk le Luhansk cu independent ram ah cohlan piak ding in a nawl tiah Ukraine ramleng minister Dmytro Kuleba nih a chim ve. Donetsk le Luhansk he pehtlaihnak ṭha kan ser lai, tiah N. Korea nih cun a chim chap.
Tamu Ah Khuami Pahnih Kahthah An tong India- Myanmar ramri Tamu ah July 13 le 14 ah khuami 2 cu a ho si theihlo mi hriamtlai phu hna nih meithal in an kah hna tiah tualchung mi hna sin in theih a si. July 13 ah Tamu SawBua 4 veng kam Kala Daw Sat ah kum 40 a si mi U Aung Aung i aruak cu hmuh a si i Tamu bawmchan tu phu nih a ruak cu an fimtual tiah theih a si.
A nupi cu tisik annhnah a zuarmi a si i U AungAung cu zeiruang ah an thah ti zong a thei lo. July 14 zan Sml 12:00 hrawngah Tamu Myomah 13 um U Zaw Khine ( Kum 35 ) cu Phyo Saw Htee hna nih PDF he ai pehtlai tiah an lunghrinh caah a mah a inn cia ah an kahthah tiah theih a si. A ruak cu India ramri PanKaa luhnak tiva kam ah an hlawnh tiah theih a ai. U Zaw Khine cu Ke thum ngei mawtaw mawngmi a si i Saya San, WatRub, Than ZawSin khua ah meihawl chuahnak ah riantuan in paw a cawm mi a si tiah khuami hna nih an chim.
Myaing Ah SAC Ralkap Nih An Tlaihmi PDF Pahnih SAC Ralkap Bawmhnak In An Luat, Magwe ramțhen, Myaing peng ah SAC ralkap tlaih a tongmi tualchung PDF pahnih hna cu SAC ralkap chungtel nih bawmhnak ruangah an luat țhan tiah theih asi. Myaing peng nitlak lei le Pauh peng ramri YeNanHmaw lei ah umhmun a khuarmi SAC ralkap hna nih Myaing peng PDF pahnih cu an tlaih hna.
PDF pahnih hna cu WatPok khua ah an chiah hna i nizan July 14 zan Suimilam 8:00 hrawngah sakhan chung um SAC ralkap pakhat nih an kut țemnak cu a phoih piak hna i a himnak tiang a thlah hna. Tlaih a tongmi PDF 2 cu tluang tein a himnak hmun an phan cang tiah Bu Kyan Tone nih a chim. Luatnak a hmu than tu PDF 2 cu khoika PDF an si kan thei kho rih lo. Hi cathanh kong he pehtlai in We Love Myaing phu sin in pehtlaihnak kan tuah ko nain lehnak a um rih lo .
KyaukKyiSatLay Khuami Pakhat SAC Hrianngan In A Thi, KNU hmunhma, NgiangLayPin pengkomh, KyaukKyi Peng chung kahdohnak ah SAC ralkap Khah- Mah- Yiah – 351, Khah – Lah- Yiah 60 hna nih SatLay khua cu hriamngan in an kah caah khuami pakhat a nunnak a liam i ngakchia pahnih hliam an tuar tiah KNU nih an thanh. Khuachung inn 2 zong a rawk. Nizan July 14 zan ah KyaukKyi khuapi Mala Oo gate le SinmaTaung in SatLay khua cu an kah hi a si.
Hrianngan kahnak ruangah a thi mi cu Saw Si May (kum 40 ) asi i a fale Naw Hti Se Khu( Kum 12) le Thlaruk a si mi Saw Hti Phu Ka Loe an i hliam. Kyauk SaYit khuakomh, TaungPuh khuakam ah SAC ralkap Kah- Mah- Yiah 350, Khah- Mah- Yiah – 603 le National Liberation Army Battalion 5 hna karlak ah kahdohnak a chuak i SAC ralkap lei a thi mi na um ko nain a zat cu fiang in kan thei kho rih lo.
Leave a Reply