Russia cu an lo cikcek ko cang. Putin nih Ukraine cu ai tuk sual bak an ti cio cang ko hih.

Russia le Ukraine an i kahnak hi nihin cun ni 26 chung a si cang. Mahhi ni 26 chung ah Russia cu an lo cang, an cei tuk cang. A cawl in an cawl kho bak ti lo ti a si. Putin nih Ukraine cu nihnih chung ah fawizang tak in lak ding in a rak i tim. A ralkap pawl zeimaw zong theihter lem loin a rak tuk. Fawi tuk in ka lak ko lai a rak ti.

Sinain nihin tiang ahcun Russia cu a mual pho ko cang. Ukraine ralkao nih hmaichia in an tuah ko cang hna. Russia ralkap hrimhrim hi hmai ah an fong kho ti lo ti a si. Kyiv khuapi le Kharkiv khuapi lak ding in a kalmi Russia ralkap pawl zong hmai an fonh kho ti lo. Ni tamtuk lampi ah an um cang.

Putin hi a kungdong pah cang. A ning zong zak cang. Cu ruang ah a hriamnam thatha hi a hman cang lai ti a si. US le NATO pawl kahnak ah tiin ai chiah mi hriamnam thatha pawl Ukraine kahnak ah a hman cang lai ti a si. Nihin tiang ah Russia ralkap a thi cangmi hi 15,000 an si. Tlaih mi tamtuk an um rih.

Tank 498 ai rawk cang. Vanlong 97 ai rawk cang. Helicopter 121 ai rawk cang. Ralkap Motor 1535 ai rawk cang. A dangdang tampi ai rawk mi a um rih. Putin cu Ukraine a kahnak ah a mualpho taktak ko cang. Ruah lo piin Nuclear hna a hmeh sual te lai ti lawng hi thinphang a si ko cang.

Pago ramṭhen, Naṭalin PDF Nuva hna cu Zikung palek camp ah hriamnam an chiah i, an i ap hnu in Naṭalin le Zikung peng in phungki pakhat tel in mizapi 10 hrawng tlaih an tong, tiah theih a si. Hriamnam chiah in aa ap mi nuva hna cu Zikung khuapi chung ah khuasa mi Ko Myo Gyi le a nupi an si i, March 12 ah khan an hriamnam chiah in an i ap. An i ap thaizing ah civil mi 10 hrawng cu tlaih an tong colh ve.

Bago Region PDF lutlai pakhat nih, “Hi thawngpang hi a dik mi a si i, Ko Myo Gyi hi training zong a kai mi a si. A chungkhar he PDF camp ah an um i chumhchuan lei ṭuanvo a latu a si, rallei kap belte ṭuanvo an pelo i, hriamnam tu hi cu anmah tein an ngeih mi hna a si kho men, a nupi he palek sakhan i an vai i ap hi an chungkhar boruak ruang ah a si lai ka zumh,” tiah a chim.

Zikung Palek sakhan ah aa ap mi Ko Myo Gyi cu Naṭalin PDF le Zikung PDF hna he pehtlaihnak ngei mi a si caah PDF ralkap hna cu hmundang ah an i thup rih hna, tiah theih a si.The Chin Post

Ukraine Ram Donbas Ah Hngakchia Minung 2000 Leng Russia Ralkap Hna Nih An I Kal Pi Hna

Donbas ah hngakchia pawl cu Russia ralkap hna nih an tlaih hna tiah Ukraine nih March hla ni 22 ah a chim. Ukraine Ramkhel vuanci zung i langhter ning ah cun Donbas ah hngakchia minung 2389 cu phungning loin Russia ralkap hna nih Russia ram ah an kuat hna tiah theih a si.

2014 Russia le Ukraine kahdohnak a chuah hnu ah Ukraine ram ah a um mi Donbas cu Russia nih a herh mi  Ukraine in chuah a duh mi an si. Cun Donetsk and Luhanz hna zong luannak a hmu mi an si nak kong cu Putin nih a chim hnu ah mah hna khua hna cu a tu ah bitak tein buaipi mi an si.

Mah ka hmun cu Russia uknak tangah an um mi Putin nih sakhan sernak nawl zong a pek hna tiah theih a si. Russia nih Ukraine  kahdohnak chungah Russia ahmutinh cu hngakchia pawl hi an ti tiah theih  a si. A luancia mi chung ah khan hngakchia pawl an i dor nak hmun Theater zung cu Russia nih hriamnam ngan in a kah tiah Ukraine nih a rak chim. Nain Russia nih Ukraine hi ka doh mi  si loin Special Operations ka tuah mi a si tiah a chim i,

Russia nih Khuami le rammi pawl hmuitinh in ka do hna lo tiah a chim. A sinain Kyiv khuapi ah a um mi thilcawknak centre pakhat ah hriamnam an thuh caah Dungci in ka kah tiah a rak ti.  Mariupol khuapi cu nan thlah a si ah cun mah khuapi ah a um mi khuami pawl cu an himnak hmun ah thialnak nawl kan pek hna lai tiah a ti ko nain Ukraine nih a duh lo tiah theih a si.