Putin Nih Ukraine Ram Ah Teinak Puanzam Kan Thlai Khawh Cang!!

Ukraine ram Mariupol tikulh khuapi pakhat cu laak dingah thla tampi a rau mi kahdohnak ah teinak puai tuah dingah Russia nih theih ter nak a tuah tiah theih a si. khuapi kham khawh nak ah Azov Steel Plant sehzung ah Ukraine ralkap ah pawl cu Russia nih hraimnam an chiah tthan cang tiah theih a si.

Russia ralkap pawl nih Mariupol khuapi cu tlamtling tein uk khawh lo dingin Ukraine ralkap pawl i, kahdoh phihkhamnak in thla tampi an tong tiah theih a si. A tu ah a donghnak lei in, Azov Steel Plant sehzung ah Ukraine ralkap pawl cu Mariupol khuapi in 531 nih an chuah tak hnu ah,

Mah Mariupol tikulh khuapi hmunhma cu tlam tling tein kan uk laak khawh cang tiah Russia nih thanhnak a tuah tiah theih a si. Ni caan a rauh hlan chung ah khan mah sehzung cu Ukraine ralkap 2439  hna nih hraimnam an chiah i, khuai kaa hmun ah dah an chiah hna timi cu Russia lei nih chimphuan mi a um lo nain,Russia ukmi hmun ram ah bus in an kuat hna tiah theih a si.

Relchap, Kayin ram ah SAC ralkap pakhat cu KNDF sin ah hriamnam he CDM a tuah tiah KNDF nih an langhter. SAC ralkap bu 66 in ralkap That Soe Pyaing cu a tlaih mi MA-1 meithal zuun khat, Zenthong pakhat le kuan 71 he KNDF sin ah CDM a tuah. Hriamnam he CDM a tuah mi That Soe Pyaing cu laksawng sing 20 kyats an pek tiah an langhter. Hi bantuk in Karenni ram chung um mi SAC ralkap dang zong mizapi lei ah ttang in CDM tuah cio ding sawmnak zong an langhter.

Ralhrang nih PDF meithal 2 le Mawtaw kan lak tiah thawng an thanh, Magwe ramtthen Pakokku khuapi Bank a ngah tu ralhrang pawl PDF phu 2 fonh nih an kah hna ah khan an meithal le Mawtaw kan lak khawh tiah ralhrang nih thawng an thanh. Pakokku PDF le Earthquake PDF fonh nih Mawtaw cung in Bank hngak ralhrang oawl cu an kah hna i ralhrang 4 an thi, hliam a tuar mi an tam tiah theih a si. “Ralhrang 4 an thi, hliam tuar mi zong an tam ngai, kanmah PDF fonh lei aho hmanh hliamtuar kan um lo, asinain mawtaw pakhat bal a kang ve” tiah Pakokku PDF nih an langhter. Asinain ralhrang lei nih cun PDF hman mi meithal zuun 2 le Mawtaw pakhat kan lak khawh tiah an langhter ve.

Matupi peng ralram hmun pakhat ah bomb i thlahphoih sualnak in CNA pasalțha pakhat a nunnak a liam tiah theih a si. Nunnak liammi hi CNA ralkap Salai Shiang Sang hi CDF-Matupi Battalion 3 i hruaitu a si, ram le miphun caah ralhrang kuttang in luatnak hmuh i Democracy hmuhnak ding caah rian a tuan cuahmah lio ah bomb i thlahphoih sualnak in a nunnak a liam tiah CDF-Matupi in tuanvo ngeitu pakhat nih a chim. May thla chung ah bomb i thlahphoih sualnak in Chinland ralkap 2 an nunnak a liam, May 7 ah Chin National Defense Force in ralkap Salai Sui Thawng cu bomb thianhhlimhnak an tuah lio ah bomb a puah caah miphun le ram caah a nunnak a liam.

Madalay ramṭhen, NuaHtuKyi(နွားထိုးကြီး) peng May 19 zanlei ah, SAC ralkap motor cu bomb an puahhnawh caah 3 an thi, tiah MDY-PDF si in theih a si. NuaHtuKyi khua in Myinchain(မြင်းခြံ) lei a kalmi SAC ralkap 10 hrawng nih citmi motor cu, Wyakyi(ရွာကြီး) le Nguangpin khua kar ah bomb lung 3 in kan puahhnawh hna, tiah MDY-PDF ṭuanvo ngeitu pakhat nih a chim. “NuaHtuKyi khua in SAC ralkap motor 3 cu an ra, tiah thawng kan theih nain 1 lawng a ra. Motor hnulei ah ralkap 9 le hmailei ah 2 an i cit. Cu chung ah 3 an thi. Zanlei sml 6:00 hrawng ah kan kah hna i motor cu Myinchain lei ah an lan,” tiah a chimchap. Cu kahdohnak ah MDY-PDF၊ NuaHtuKyi PDF le Bo Sa Guerrilla phu hna i fonh in an kah hna. PDF lei in a thimi le aa hliammi an um lo, tiah theih a si. A luancia May 6 lio zong ah Myaing peng, Maymadaw(မယ်မသော်) khua ah umhmun khuarmi, SAC ralkap pawl zong ṭangṭi phu hna he kan rak kah bal cang hna, tiah MDY-PDF nih cathanh an chuah.