Putin Nih Ukraine Cacawnnak Sianginn Hraimnam Nganin A Kah Minung Ceilak An Thi!

Russia Nih Ukraine Cacawnnak Sianginn Pakhat Hraimnam Ngam In A Kah

May be an image of 2 people, fire and outdoors

Russia nih Ukraine cacawnnak siuanginn bomb in a kah caah minung 60 leng an nunnak a liam tiah theih a si. Nichuah lei tikulh Mariupol khupi ah a donghnak in a tang mi Ukraine ralkap phu hna cu Russia nih hraimnam ngam in pehzulh in a kah lio ah Ukraine ram nichuak lei khuate sianginn cacawnnak sianginn pakhat cu bomh in a kah chih caah minung 60 leng an nunnak a liam kho men tiah khuaukbawi pakhat nih a chim. Hi kong he pehtlai in G-7 nih thinhun dohlonak a langhter tiah a si.

May be an image of fire and outdoors

Relchap, Chin ramkulh ah SAC nih hramhram in uknak a lak hnu March thla thok in mipi uknak phu pawl dirh thluahmah a si. Chin ramkulh ah kahdohnak a fah tuk lioah SAC le mipi phu hna cu uknak an i chuh lio a si ve.

Chin ramkulh chung peng tampi ah NUG lam hruainak in peng kip mipi uknak phu pawl dirh a si i ngandamnak lei, fimak lei, uknak lei hna tawlrel a si. A tulio caan Chin ramkulh ah mipi uknak phu pawl an tha a thawn deuh lio a si tiah ramkhel lei ngiathlaitu Ko Thawng nih hitihin a chim.

“Uknak phu tam deuh cu CDF nih nih mipi uknak phu an dirh kha hmuh khawh a si. Chin ramkulh khute a tam deuh cu mipi uknak phu hna nih an huap khawh hna tiah chim khawh a si. SAC nih Hakha khuapi, Falam khuapi tiah khuapi chung lawng an tlaih khawh. Khuate hna hi cu an kut chungah a um kho lo tiah chim khawh a si”. CNF biachimnak nawl a ngeitu Salai Htet Ni nih Chin ramkulh chung mipi uknak hmual a ngeih khawhnak hnga phu then in dirh a si.

“A um ciami peng uknak, mah hmunhma te i uknak, biaceihnak phu pawl hmual ngei deuh in rian a kal khawhnak hnga kanmah hmunhma hriamtlai phu pawl chung in raltuknak lei uknak phu pawl he biatak thlak in kan tuan lio a si. Chin ramkulh an mah le hmunhma kip uknak phu pawl he tonnak pakhat ser in Chin ramkulh Chinland Council a phak khawhnak hnga kan i zuam chih lio a si.

Peng kip mipi uknak phu chungah CDM a tuahmi pawl, Hluttaw palai pawl, mipi lei phu pawl, Democracy a duhmi mino pawl, khuanu khuapa pawl le hriamtlai phu pawl an i tel. Mipi uknak a thawn biknak a simi Mindat khua ahcun, ngandamnak, biaceihnak rian le fimnak lei zong NUG cozah he pehtlai in riantuan a si tiah uknak le fimnak lei chungtel a simi Ko Hung nih a chim.

“Mindat fimnak lei kong he pehtlai in a hramthok ahcun caantawi te ca kan zoh hmasa. NUG lamhruainak in thla 6 kan on. Hngakchia pawl pehtlai tein fimnak an cawn khawhnak hnga caah tiin kan thok hmasa. A tu cu kumkhat leng dothlennak a fak chin thluahmah. Kum thum li ca ruat chih buin fimnak lei hi hmai kan nor a hau cang. Mindat khua ah Primary School tiang kan on chung rih. Asinain, June thla thok in Middle School on ding kan i timhtuah lio a si. Hmaikum lei cun High School on khawh ding in timhtuahnak kan ngei. Saya/mah kan i phazo lo tuk”.

Biaceihnak lei kap ahcun, sualphawtnak pakhat khat a um a si ahcun, Chin miphun kan zulhphung le kan tlaihtleng ning in biachahnak kan tuah tiah uknak lei chungtel pakhat nih a chim. A hlan cozah uknak phung nak in a tu mipi uknak phu uk daan hi hmual a ngei deuh tiah khuami Ko Pi nih a chim.

“An uk daan a tha tuk, a tlamtling. Uknak lei bawi pawl he zong kan i neihniam. I chawnhbiak tikah a hlan bantuk in harnnak a um lo. Uknak lei bawi pawl an biachahnak zong hmual a ngei khun”. Chin ramkulh peng tampi ah, SAC uknak le mipi uknak tiah uknak phun hnih a um caah mipi hna caah harnak a tam deuh khun tiah Mindat peng mipi uknak phu chungtel pakhat nih a chim.

“Uknak phu nih a um caah a lamkip in tha tein tlaih khawh a si lo. Mipi hna harnak an tong. Kap hnih ning tein mipi nih tih kan si, kap hnih lei nih tha tein kan uk kho veve fawn lo. Cucaah, a karlak umkalnak ah harnak tampi a um. Thilrii phorh le uknak lei ah mipi harnak an tong dih”.

Mipi uknak phu pawl hi khuate uknak le biaceihnak lei ah thazang an chuah deuh kho i fimnak le ngandamnak lei ah an tha a der ngai rih tiah Chin ramkhel lei ngiatlaitu Ko Thawng nih a chim. “Fimnak le ngandamnak lei ahcun a hlan bantuk in an tuahpiak kho ti hna lo. A tu bantuk caan chiat lioah, hngakchia hna an hmailei, fimnak le ngandam lei kong he pehtlai in harnak tampi chungah a thabik in tawl rel a hau ko hnga. A hlan bantuk in cozah pakhat nih a tawlrelpiak mi bantuk in hmual a ngeimi dirhmun cu hmuh khawh a si rih lo”.

Chin ramkulh mipi uknak phu pawl chanbaunak a um bantuk in an herhbaumi pawl NUG cozah bawmhchannak a um tuk lo mi dirhmun ah mah tein i tawlrel chih a si tiah uknak lei chungtel pakhat nih a chim. Chin ramkulh chungah, a lo cio lomi “PHUN” hriamtlai hna karlak uknak dirh zong a har tuk.

Peng kip in then a simi mipi hriamtlai phu hna karlak zongah SAC hramhram uknak hrawh cikcek ding in hmuitinh i khah a si ko nain, a dang aa khat lomi hmuitinh zong ngeih cio a si tiah ngiatlaitu hna nih an chim.

Relchap, Yangon khuapi, Khayan peng, Kaba Aye Baya lam pawngah May ni 9 suimilam 12 hrawngah ruah faktuk in a sur lio phungki no minung pakhat cu an tlu i , an nunnak a liam tiah Myanmar Cee Phyo Minung bomchantu phu sinin thawng theih a si. Mah phungki no minung pakhat  cu kum 17 hrawng an si i, mah thawngpang an theih le cang in Myanmar Cee Phyo Minung bomchantu phu  hna nih an va kal hnawh colh tiah theih a si.

” Ruah tuktuk a sur caah phungki no minung pakhat a ril tlu tiah  kan thaeih le cang kain duapdap in kan va kal hnawh colh  i, kan vabomh . Thawng an kan pee tu nih a chim nak ah cun elcertic nih a leih  caah a tluk hi a si tiah a chim.” tiin Myanmar Cee Phyo Minung bomchantu phu in mi pakhat nih a chim.

Phungki no minung pakh a tlukk rilnak hmun an an va phak cun a nunnak a rak dih cang tiah theih a si. ” phungki no a rilhnak ah motor pakhat nih le a um lo ruah zong fak tuk in a sur caah a rilh kaa ah cun ka hmu lo, a hmun kan va phak cun suimilam 00:30 minutes a rau cang, a caan nih an kan zo lo i kan bochanh kho ti lo” tiah Myanmar Cee Phyo Minung bomchantu phu  in tuanvo ngeitu pakhat nih a chim.

Mah bnatuk in thil sining cu a si tikah phungki no kum 17 minung pakhat i , an ruak cu Yangon mi bomchantu hna nih mizar phortu motor in Myo Okkalapa pengkulh si zing operation tuahnak hmun ah an va kuat  tiah theih a si.

 

Be the first to comment

Leave a Reply

Your email address will not be published.


*