Putin Nih Thawngoangtha A Vun Ka Thanh!!

Russia Eidin Tirawl Kuat Dingah Russia Nih Ukraine Cu Tang Lei Lam A Hun Piak Tiah Indonesia President Nih A Chim.
============================
Vawleipi ti le rawl eiawk caah thiphan in an um cuahmah lio ah Ukraine sinah Wheat (jung) kuat khawh nak hnga ding caah tang lei lam cu Russia nih a hun piak than nak kong cu Indonesian President Joko Widodo noh Moscow ah Russia president he tonnak an ngei lioah a chim. ” Ukraine le Russia an ram hnih in kuat ding ti le rawl eiawk riahcaw le nawn caah humhimnak aamahkhaan peek a si lai tiah a chim mi President Putin cuungah kaa lom tuk, thawngpangtha taktak a si.” tiah a chim.

Ukraine le Russia in eiawk le nawn chauhsernak pawl cu Vawleipi bomhnak lei in ifonhtom dingin UN nih a zuamnak nak kong cu a cohlan nak kong zong Indonesian President Joko Widodo nih a chim. UN aa zuamnak ah Ukarien facang kuat khawhnak hnga dingah tanglei lam hun nak zong a tel ii a tu hi kongkau ah aa pehtlai mi Ukraine-Russia lawng si loin Turkey he zong ceihmainak ngeih a si tiah theih a si.

Myanmar ram pumpi in June 30 nikhat chung kahdohnak ah SAC ralkap 85 an thi.PDF / ERO 22 an nunnak a liam ve tiah Khit Thit Media nih a langhter. Khit Thit Media nih cazin a khawmhsuat ning ah , Sagaing ramthen, Myaing ah 2, Ayardaw ah 2, MinKin ah 2, Kalay ah 1, Depayin ah 1, ShweBo ah 5 KhinOo ah 3, Tanintharyi ramthen, Palaw ah 1, Kayin ramkulh Okerihta ah 40, Kayin ramkulh, Kawkareih ah 5, Chin ramkulh Mindat ah 7, Magwe ramthen Gangaw ah 5, Kayah ramkulh, Loikaw ah 4, Mon ramkulh, KNU Brigade 1 hmunhma ah 5 tiin an dihlak 85 an thi. Karen ramkulh Okerihta ah 10, Sagaing ramthen, Wattlat ah 9, Chin ramkulh Mindat ah 3, tiin PDF/ ERO 22 an nunnak a liam ve .

AAPP nih June 30, tiang cathanh a chuah ning ah Myanmar ramchung huapin SAC ralkap nih nawlngeihnak a laak ni 515 chung ah sualnak ngei lo minung 2040 thah an si cang, tiah theih a si. Tlaihkhih a tongmi dihlak hi 14,402 an si i, an thlah than mi hna 3043 an si.
SAC ralkap nih mi nunnak a laak mi hna chung ah Yangon in nunnak a liam mi tambik an si.

Sagaing ramțhen, Kathar peng, BanMoh ( ဗန်း‌ေမာက်) peng , June 30 kahdohnak ah SAC ralkap 20 leng an thi i tlaihkhih mi SAC ralkap hna cu țha tein sii kan thlop ko hna tiah NUG nih cathanh an chuah. June 30 ah Kathar pengkomh, BanMoh peng hmun pakhat ah SAC ralkap le PDF karlak ah kahdohnak a chuak.

Cu kahdohnak chungah SAC ralkap 20 leng an thi i hliam tuarmi SAC ralkap hna cu mizapi vengtu ralkap hna nih țha tein sii an thlop piak hna i an chiah ko hna tiah an thanh.NUG nih tlaihkhih a tongmi SAC ralkap hna a zat cu langhter a si lo nain BanMoh mizapi vengtu ralkap phu nih an thanh nak ah cun a nung in tlaikhih mi hna hi 11 leng an si tiah theih a si.

Chin ramkulh, Thantlang khua cu SAC ralkap nih mipi inn pawl an khangh chap caah mipi inn 117 a kaang tiah Thantlang Placement Affairs Committee – IDPs Help (TPAC) nih June 30 ah a thanh. SAC ralkap nih June 9, June 11, June 16, June 20 le June 23 ah Thantlang mipi inn pawl a khangh chap tiah a langhter. SAC ralkap nih khangh ruangah Thantlang Baptist Church telh in biakinn 3 zong a ciam tiah theih a si. SAC ralkap nih Thantlang khua cu 2021 kum dongh thok in khangh hram a thok i 2022 June thla dongh tiang ah voi 35 a khangh cang i inn 1,200 leng a ciam cang.

Chin ramkulh, Matupi khua, June 15 thok in phone line a chia thluahmah i July 1 ahcun phone chawnh zong a ngah ti lo tiah theih a si. June 30 zinglei tiang ahcun phone chawnh a ngah rih ko nain July 1 zinglei thok in phone chawng zong a ngah ti lo tiah theih a si. Matupi khua ah MPT, Telenor le Oredoo a ngah i phone line a pathum ning tein a tlau i internal line phihpiak a sinak zong hi kum 1 deng a si cang tiah theih a si.

Chin ramkulh, Tedim khua, June 27 ah Shalom mipi bawmnak phu i mino 2 cu SAC ralkap nih an tlaih hna tiah theih a si. Tlaih a tongmi hna hi Saya Mon le Ko Lian Siang an si i PDF Zoland nih a chuahmi ralrinak cathanh kha khuachung ah Loudspeaker in an thanh chin caah tlaih an ton hi a si tiah Tedim khuami pakhat nih RFA ah a chim.

“SAC nih awnmi sianginn kaiter loding, sianginn kai khawhnak ding caah bawmhnak zong pek loding tiah PDF Zoland cathanhnak cu Loudspeaker in an au caah an tlaih hna hi a si” tiah a chim. Tlaih a tongmi Saya Mon le Ko Lian Siang cu Tedim palik sakhaan ah hren an si tiah khuami hna nih an chim. A luancia June 3 zong ah CDM cawlcanghnak ah aa telmi siangcachim 2 cu SAC ralkap nih an rak tlaih cang hna.

Sagaing ramṭhen ah phungki sianginn 28, Nunnery (ti-lah-shin sianginn) 1, Mosque 2 le khrihfa biakinn 2 tiah a zapi te 33 hrawhpiak a si. Magway ramṭhen ah phungki sianginn 11, khrifa biakinn 1 hrawhpiak a si. Chin ramkulh ah khrihfa biakinn 66, Kayah ah khrihfa biakinn 20 le Muslim Mosque 1 khanghpiak a si tiah a langhter. Sagaing ramṭhen, Pale peng hi SAC nih khanghpiak ruangah phungki sianginn a tambik a rawk.

SAC nih hramhram in uknak a lak hnu ah dai tein i pumh le Pathian biak khawh si ti loin nifatin nunnak caah tlik le zaam lengmang a si.
Chin ramkulh hi hramhram in uknak lak a si hnu ah khrihfa biakinn a tambik hrawhpiak a si. Chin Affairs Federation nih ngeihmi 2022 June 27 tiang cazin ning ah hramhram in uknak lak a si hnu kumkhat leng caan chungah Chin ramkulh ning in biaknak lei inn 66 hrawhpiak a si.

Khrihfa biakinn hrawhpiak a sinak hmunhma pawl hi Thantlang, Hakha, Tedim, Falam, Mindat, Kanpetlet le Matupi peng hna an si.
Chin ramkulh biakinn pawl hi an kan hrawhpiak hramhram mi a si tiah Chin Baptist Convention lutlai Rev. Dennis Ngun Thawng Mang nih RFA ah a chim.

“Biaknak inn pawl hi a thianghlim tukmi le upatnak sang bik kan pekmi hmunhma a si caah kan ngeihchiatnak a fak ngaingai. Cu bantuk inn pawl cu tinhmi ngei tein an kan hrawhpiak caah kan cohlang hrimhrim lo. Tuah sualnak le ti sualnak hi cu 100% chungah 5% lawng aa tel lai tiah ka hmuh. Tuah sual mi si loin tinhmi ngei tein an kan hrawhpiak tiah kan hmuh” tiah a chim.

Biakinn pakhat dirhnak ding caah caan le chawva tampi hman a si caah biakinn kan sunghmi hi a man a fak khun tiah a chim. Biakinn pawl hrawhpiak a si lengah Pastor 20 hrawng tlaih an si i cu chungah 4 an thi, 12 cu thlah an si cang ko nain 4 cu a tutiang hren an si rih ko tiah Chin Affairs Federation nih March 22 ah a thanh. Hramhram in uknak lak a si hnu ah hrawhpiak a simi biaknak inn 132 hi khanghpiak mi an tam. A cheu cu hriamngan nih a khen hna i a cheu cu ralkap pawl a chungah hmunhma khuar in hrawh hramhram mi zong an um tiah RFA nih a langhter.