Putin nih Vawlei Cung Ah A Um Bal Rih Lo Mi Dungci A Si
Russia ram in Nuclear a kap kho tu Sarmat dungci test khawh a si nak kong cu April ni 20 ah Russia nih a chim phuan. Caan saupi serchuah a si mi mah dungci cu Russia a ral pawl nih biatak tein i ruah ding tiangin Russia President Putin nih i cua ngai in a thazaang a thawng tuk mi a si tiin a vun chim.
Mah dungci cu Russia ram in nitlak thlang lei Plesetsk in ni chuak lei Kamchatka ah um mi mi, kan i timh mi kan Target tiang a kap khawh tiin Russia thawngzamh nih a langhter. Kum caan saupi a caan lak in serchuah a si mi SArmat dungcu nitlak lei ram caah cun khuaruahhar tuk cu a si lo nain Ukraine kahdoh nak he pehtlaiin buaibainak a zual lio ah hin a test mi a si.
Mah dungci hi fimthiamnak sang taktak in tuah a si i, Modern dungci pawl a phih kham kho tu, a kap kho tu a si. Vawlei cungah a um bal rih lo mi zuamcawk hnga ding Dungci a si tiah Putin nih a chim. Ref: Reuters
Magway Ah Khuabomh Ukbawi Le Monywa Ah Dalan 2 Fimtawl An Si. Magway ramthen Gyakan(ကြာကန်) khuakomh ukbawi le SAC ralkap thawng petu San Mu(စံမူ)@Sah Puh(စပု) cu nihin April 21 zing Sml 9:15 ah tualchung mipi ralkap nih an fimtawl tiah theih a si.
Sah Puh hi khua7 komh khua ukbawi a si i Gyakan(ကြာကန်), Gyakan khuathar, Pagan Hmyo(ပုဂံမျှော်), Lay Ing(လေးအိမ်), Gyo Chung(ကြူချောင်း), Gyo Chaung khuathar, Kyauh Pin Aye(ကြို့ပင်အေး) khua pawl a uktu a si tiah theih a si.
Sah Puh nih hin Gyakan khuakomh chung ah umi mipi hna cu hramhram in phaisa a hal i SAC ralkap a tlaih ter hna. Tualchung mip vengtu ralkap nih ralrin nak an pek ko nain a ngol hleilo caah fimtawl a si nak hi a si . Bo Matha(ဗိုလ်မထား) khuakomh PDF, Nga Pyimah(ငါးပြေမ) pyohcua phu(Magway), PDF pyohcia (Natmyo နတ်မောက်) i bawm in an fim tawl mi a si tiah theih a si.
Monywa zongah SAC uk duhlo langternak lam zawhnak ah i tel ve in SAC ralkap le pyosawtee thawng petu Nya Lin Thun(နေလင်းထွန်း) le siang cachimtu Tin Win(တင်ဝင်း) cu fimtawl an si tiah Special Force 11 nih thawng an thanh. Nya Lin Thun hi Moengin(မိုးညှင်း) khua um palik hlun a si i April 17 ah fim tawl a si. Siangcachim Tin Win hi dalan ngan tak mi a si i Kutaw Palin(ကူတောပုလ္လင်) khua mi a si. April 18 zaanlei 3 tluk ah fimtawl a si.
Hi dalan pahnih ruang ah hin April 17 zing Sml 8 i Monywa lamzawhnak ah mipi security a lak piaktu PDF hna cu Palaw khua pyosawtee pawl nih a thli thup an kah hna ruang ah minung 5 an nunnak liam.
Leave a Reply