Putin Nih Ukraine Kahdoh A Ngol In Kan Ngol Hrimhrim Lai lo
Ukraine ram cu Russia nih kahdohnak a tuar cuah mah mi an si i, an mah lei nih zeitin dah kan i kham khawh lai tiin tihphannak um lo in lehrulhnak a tuah ve mi an si. Russia cu Ukraine ram chungah a ralkap pawl le a hriamnam pawl vawlei cungpi nih theih in sungh zatlak nak le thihnak an ton cuah mah mi theih a si ko nain,
Russia president Putin nih cun Ukarine ram cu phihkham in kan dohkah ko lai tiah a ti. Russia ralkap pawl cu Ukraine khualipi Kive tiang an phan i , Russia ralkap hna nih Ukraine ram i Nichuah lei Donbas hmunhma cu lak dingin an i zuam cuah mah lio a si ko tiah theih a si.
Dombas hmunhma ah Russia ralkap hna nih Sivai a si mi Chemical hriamnam hna a hman nak kong cu Ukraine lei nih an hlethlai cuah mah lio a si ko tiah theih a si. Russia nih Chemical hriamnam a ham ko timi hi a dik mi a si ko ah cun mah kahdohnak hi a fah chinchin ding a si lai nak a ruang cu Nitlak lei ram hna nih an chim.
Nitlak lei ram tuantuanvo ngei tu hna nih an chim phuan ning ah cun Russia nih cun Ukraine cozah cu thlak dingah aa zuam i Moscow cozah hruainak tangah chiah dingah aa zuam caah February ni 24 ah a kaddoh hi a si tiah an chim. Russia cu Ukraine ram ah a ralkap pawl le a hraimnam sungh zatlak a chuah cuah mah mi theih a si ko nain .
Putin nih cun ” Ukraine ram kahdoh hi kan ngol lai lo i, hnu lei zongah kan kir lai lo, Hmai fon in kan doh chin chin ko lai i, Ukraine ram cu phih kham in kan kahdoh peng ko lai ” tiin a chim tiah theih a si.
Kalay Peng, Pyidawthar Kahdohnak Ah Khuami Nu Pakhat A Nunnak Liam, Kalay Peng, Pyidawthar Kahdohnak Ah Khuami Nu Pakhat A Nunnak Liam Kalay peng, Pyidawthar khua ralhrang le tualchung mipi ralkap kar kahdohnak ah innchung ah ai thupmi Nu Cing San Nuam (kum 32) cu kuan chokvai zuun 3 nih a khen i a thi tamtuk chuah ruang ah a nunnak liam tiah kan theih.
Pyidawthar khuachung ahhun tuni, April 13 zing slm 10:00 in zaanlei slm 3:00 tiang an i kap i a nunnak liammi Nu Cing San Nuam le a pasal cu inn chung ah an i thup Nu Cing San Nuam cu a ke kehnih le a ban ah kuan chokvai nih a khen i a thi tamtuk a chuah caah a nunnak liam i a ruak zong an vui colh, an pa zong a tai ah an khen i hliam a tuar ve tiah kan theih. Ralhrang hna nihcun khuachung dawr an hmuhmi paoh an bauh i thilri an lak an hmuhmi minung paoh an phone an chuh hna, Cun khuami pakhat zong ralhrang nih an tlaih i a tu thawngpang kan ttial tiang ah an thlah rihlo.
Chinramkulh Paletwa Peng Cu AA Kung Tang A Phan Cang Maw. Kum 2016 in kum 2020 tiang AA le SAC ralhrang hna kumthum chung kahdohnak a chuak i kum 2022 hnu ah Paletwa khua 389 chung ah khua 100 cu AA uknak tang ah an phan Paletwa peng cu Chinramkulh ah a ngan ngaingai mi peng pakhat a si bantuk in AA nih khua 150 hrawng hi a kilven hna i a tangmi khua cu Paletwa CDF nih an cawlcang tiah theih a si.
SAC ralhrang nih AA ral an sung caah Paletwa peng le Kaladan tiva hrawng ah tlawn len nak nawl an ngei cang i, a rauh hlan ah AA uknak kuttang ah a phan cang lai tiah theih a si. Kawlralkap le AA kahdohnak ruangah Paletwa peng mipi tampi nunnak a liam pinah raalzam tampi an hung si hna. Miphun pahnih kar kahdohnak ruang ah Chinramkulh harsatnak an ton mi le an dirhmun zoh tikah ngeihchia taktak si ko. Cu chinchap ah Paletwa peng AA kuttang um lai ding lung a tha lo ngai.crd
Kalay PDF Sakhan A Latu SAC Ralhrang Ralkap Cu Tualchung Hriamtlai Fonhmi Phu Nih An Kahdoh Than Caah Kahdohnak A Fak! Sagaing ramthen Kalay peng Pyitawtha khua chungah tualchung hriamtlai fonhmi phu le SAC ralhrang ralkap karlak ah April 13 zinglei sml 10:30 thawkin chun sml 1:00 tiang an i kap tiah thawng kan theih. SAC ralhrang ralkap nih April 12 ah PDF Kalay Battalion (3) sakhan an laaksak i, hriamnam tampi an chuhsak pinah sakhan zong mei an khanghpiak tiah thawng kan theih.
Cucaah lehrulh chamnak in tualchung hriamtlai fonhmi phu nih SAC ralhrang ralkap rual an kahdoh than hna i, cu kahdohnak caan chungah hriamngan vawi (40) lengkai a puak tiah pawngkam tualchung mipi nih an chim. Nihin kahdohnak ah SAC ralhrang ralkap leikap ah 100 tluk an um lai tiah ruahdamh a si i, kahdohnak a chuahnak pawngkam khua (6) i khuami dihlak cu himnak hmunah an zaam tiah thawng kan theih.
Leave a Reply