Pumpaw Cawmnak Ca Riantuan Mi Mi 100 An Thi

Kachin Ramkulh, Phakan ah nihin December 22 zinglei 3:00Am hrawng ah vawlei vawr a cim i lunghring khur cotu a minung a zaa in an tlau tiah Phakan khuami sin in theih a si. Phakan Peng, Tar-ya-kung khua pawng um mi company rian ttuannak i lunghring khur cotu pawl cu nihin zinglei Suimilam 3:00 hrawngah vawlei vawr nih a cimh hnawh hna i minung a zaa leng an tlau caah bawmhchanh dingin i zuam cuah mah lio asi tiin khuami pakhat nih a chim chap.

“Tar-ya-kung ah hin hmun hnih in a um. Tu a cimhnak hi Company lei kam ah a si. Atu tiang minung pa zeizat an tlau fiangin theih a si rih lo. Company nih cawh cia nak vawlei vawr ah a kawl tu an si.Hi a cimh caan hi lunghring a kawl a ttuan tu an tam bik caan a si caah a cimh hnawh mi hi an tam tuk lai, a za leng an si lai” tiin khuami pakhat nih khit thit media ah a chim. December 19 lio zawngah voikhat a rak cim bal cang i minung 10 hrawng an rak thi.

Magway ramthen Myine peng ah ralhrang phu hna cu Myaing PDF le Poah peng in Ttinghlua phu nih bomb puahhnawh in an doh hna caah ralhrang minung 23 an thi. Tayatgan palik sakhan zong rocket in kah an si tiah Myine PDF nih cathanh an chuah. Nizaan December 21, ah Poah-Myine ramri ah ralhrang phu le mizapi vengtu ralkap phu kar kahdohnak a chuak, Kanpyu lam lei zongah pa-de-ta bomb in ralhrang phu doh an ton than caah

Ralhrang minung 5 an thi cun Poah-Zipia lam lei ah cycle 5 le motor 1 he a kalmi ralhrang phu hna cu bomb in doh an si i ralhrang minung 5 hrawng an thi i, ralhrang cycle 5 le kuan cheukhat hna cu lak a si tiah an cathanh chungah cun an langhter. Cun Yuasin, tlanglawng lam pawngah ralhrang minung thazaang 100 hrawngcu bomb puahhnawh in doh an tong i ralhrang minung 3 hrawng an thi than i hliamtuar an tam tiah theih asi.

Nizaan zaanlei ah, zinglei bomb hmanh in kahdoh a chuahnak hmun Zipia lamlei ah hmunhma thianhlimh in a kalmi ralhrang phu hna cu doh an ton than caah ralbawi pakhat telhin ralhrang chungtel minung 10 hrawng an thi. Nizaan zaan ah Tayatgan (သရက်ကန်) palik sakhan cu rocket he doh an tong, ralhrang lei thi an tam caah ralhrang phu nih helicopter he ralhrang minung thazaang 100 tluk a chapthan tiah theih a si. Khit Thit MediaEnter