PROPHET BAJINDER NIH MINUNG THAWNG TAMPI HMAIAH MITCAW NGAKCHIA NU ZESUH MIN IN DAMNAK A PEK.

Ngakchia liote in a mit a caw mi nih khua a van hmuhthan tik ah, zeitluk in dah a mah le a inn chungkhar an I nuamh hnga. Pathian nih an inn chungkhar cu lawmhnak in a khahter cang.

Zumhnak taktak na nei ah cun, zesuh nih keimah bantuk in thil na tuahkhawh ve lai tiah, a zultu hna sinah bia a rak chim. Zesuh chim bantuk te in, Prophet bajinder hmang in  mitcaw ngakchia nute nih damnak a hmuh taktak.

Ngakchia lio te in a mit a caw mi ngakchia nute nih khua a vanhmuh tikah zeitluk in dah a lawm hnga. A chungkhar ca zongah zeitluk in dah a nuam hnga. Chimawk thalo tiang khin lawmhnak an hmuh cang.

Mah ngakchia nute damnak thawng in, a pawngkam ummi minung thawng tampi nih zesuh cu an khamhtu le an Pathian ah a hung pom ve cang hna. Pathian sumpar nak ding caah mah ngakchia nute hi hmang mi asi. Pathian thil tuahkhawh nak mipi nih an van hmuh tikah, a dikmi pathian cu, khrihfa pathian long pei a rak si taktak ko hi ti an hung theih I, an biaknak dang kaltak in, khrihfa ah an hung lut hna.

Prophet bajinder thawngtha le thlacam piak nak thawng in, mitcaw le damlo nak dangdang a nei mi hna zong nih damnak an hung hmuh. Pathian nih Prophet bajinder hi atu lio ah cun a hmang taktak ko. Prophet bajinder nih zesuh min in khuaruahhar tampi a tuah tikah, zumlo tu hna zong an khuaruahhar in, khrihfa ah an hung lut dih hna.

Zumhnak taktak he Pathian kan thangthat ah cun, pathian nih khuaruahhar thil kan cungah a tuah taktak ko. Pathian nih Prophet bajinder hi a ram kauhtu ding le ceu tertu dingah hmang chin lengmang ko seh.

Be the first to comment

Leave a Reply

Your email address will not be published.


*