PROPHET ANKUR THAWNGTHA BIA IN NIKHAT AH MINUNG TINGKHAT 1 (LAKH) NAK TAM AN PIANGTHAR.

Prophet Ankur hi Prophet Sadhhu Sandar Singh bantuk in pathian nih a hmang ve. Fimnak lei zong thluachuah tampi a pek. Punjab ram ah hin Prophet pa2 an chuak cang. A pakhat nak Sadhu Sandar Singh asi. Sadhu Sandar Singh cu pathian nih a hmang I , india mipi tampi hna cu khrihfa ah an raklut hna.

Sadhu sander singh a umtilo hnuah pathian nih Punjab ram chung thotho in, prophet pakhat a pek than hna. Prophet Ankur hi pathian nih a hmang taktak mi a hrimnam tha asi. Prophet Ankur thawngtha bia a chimnak thawng in, india mipi tamtuk an nun an I thleng cang hna. A bik in a mah a chuahkehnak hmun asi mi Punjab ram mi hna cu, nikhat chungah minung  ting 1 (one lakh) naktam an nun an I thlen.

Panjab ram chung in Pathian mihmang taktak mi hna an chuak lengmang cang. Punjab ram hi a can rauhlo te ah a tleng cang lai. Pathian nih a prophet hna hmang in le a riantuantu dang hna hmang in thleng a timh cang ti hi, a fiang chin lengmang cang ko.

A tu ah prophet Ankur a zultu hna minung hi, ting 4 an phan deng cang. Nikhat hnu nikhat minung an karhchin lengmang cang. Pathian nih thluachuah pe chin ko seh. Kan nih zong nih thlacam in bawm cio ko hna usih.

Be the first to comment

Leave a Reply

Your email address will not be published.


*