President Joe Biden, Mexican President Andrés Manuel Lopés le Canadian president Justin Trudeau hna tonnak an ngei

Nizan November 18, Cawn nilini ah khan US president Joe Biden, Mexican President Andrés Manuel Lopés le Canadian president Justin Trudeau hna cu North America ram thanhchohnak kong ah president Biden Office, Washington DC ah biaruahnak an ngei hna. President Bizen nih cun Canada ram hruaitu le Mexico ram hruaitu hna he biaruahnak ngeih cu North America nih harnak a tonmi hna dihdonghternak le thil danddang ah a herh tukmi an si, tiah a chim.

North America ram hruaitu hna hi an pathum an i ton hlan ah president Biden nih Canadian president Justin Trudeau cu Oval office ah a rak ton hmasa. Cu khawh cun Mexican President Andrés Manuel Lopés zong amah pumpak in Oval office thiamthiam ah a ton than ve. An pathum hin East Room office ah biaruahnak an ngei hna i, an biaruahnak ah hin vawleicung khuacaan aa thlenning kongkau, phungning lo mipeem kongkau, chawlehnak kongkau le Covid-19 kongkau hna an i ceih, tiah VOA nih a tial.