National Unity Government (NUG) Acting President Duwa Lashi La nih September 7 i ram pumpi huap Emergency a phuan hnu in zarhhnih chungah palek le rallokap CDM tuahmi 453 an hm tiah NUG runvennak vuanci zung i Secretary U Naing Htoo Aung nih a chim. “Emergency phuan in nikhat ah palek le rallokap 33 hrawng nih CDM tuah dingin pehtlaihnak an tuah.September 7 in 20 tiang ah minung 453 an tling tiah” a chim.
Rallokap nih nawlngeihnak an lak February 1 in thlaruk chungah rallokap 1500 le palek 1000 an zaten 2500 hrawng an tling cang,tiah Myanmar Police CDM Channel nih RFA sinah an chim. September 7 hnuah palek le rallokap 450 nih CDM tuah dingin pehtlaihnak an tuah minung 50 cu CDM an lut cang,minung 400 hrawng cu CDM tuah dingin lam an kawl cuahmah.
Ramchung phaisa thlenman ah American 1Dollar ah Myanmar phaisa 2105 tiang tuzing ah a kai i sui 1 Kyats ah 1915000 ks a si cang tiah ramchung thilman hlatnak in theih a si.“Dollar man cu kanmah nih kan cawk ahcun 2080 a si, kanmah sinin an rak cawk ahcun 2105 a si kanmah sinin nan kan cawk than asi ahcun 500 nak tam in kan zuar lo” tiah Yangon phaisa thlennak pakhat ah a tuan tu pakhat nih a chim.
Ralhrang Centre bank ah Dollars an zuar tiah an thanh ko nain mithmuh ah chawdawr nak hmun ahcun Dollar a lut mi a um lo i dollars a herh nak a tam chin caah Dollar man cu a kai chin i Myanmar phaisa man cun a tum chin nak hi asi tiah Yangon um mi chiti a zuar mi pakhat nih a chim.“Dollars man a kai i Myanmar tangkaa man a tum mi cu phaisa cu mi sawhsawh nih an tlaih duh ti lo mah hi pakhat,
A dang pakhat cu Centre Bank lei in Dollar kan zuar tiah an chim ko nain chawdawr nak hmun ah kan pek mi thil cung in kan kut chung ah Dollars a phan lo.Nuai 100 leng kan zuar tiah an chim nain chawdawr nak hmun ah a phak lo caah Dollars a herh nak a tam.Cun Export Earning he pehtlai in Centre Bank i taangka cu fawi te in kuat khawh lo nak ah an tuah.Mah ruangah a kai bik nak a si.Mah leng in Dollars man hi a kai rih lai tiah ” Yangon seh lei hman mi chiti a zuar tu nih a chim.
Leave a Reply