Phapon pengkomh Um SAC Ralkap Cu KNLA Nih An Kah Hna, SAC Ralkap 16 A Nung In An Tlaih

Karen National Union(KNU), Mutraw (Phapon) Pengkomh, Me Thasu Hlaw khua ( မယ့်တရူ‌ေလာ်) um SAC ralkap Khah-Lah-Yiah 97 cu Nizaan March 11 zing Sml 11:30 hrawng ah Karen National Liberation Army(KNLA ) Brigade 5 le Battalion ralkap phu hna nih an kah hna i, SAC ralkap 14 an thi; minung 16 a nung in an tlaih hna lengah meithal 19 le thilri dangdang zong tampi an laak khawh, tiah Kayin thawngzamhnak nih an thanh.

A thi mi hna chung in Kawkareih hmunhma um Khah-Lah-Yiah 97 Battalion in an hruaitu pakhat le ralbawi pakhat an i tel, tiah theih a si.Kahdohnak ngol a si hnu ah, SAC ralkap RPG-7 pahnih, Machine gun ( စက်လက်) pakhat, K3 Mawtraw pali,  Sniper pahnih,  MA-2 paruk, MA1 paruk, RPG kuan 6, 60 mm kuan nga, 79mm kuan nga,  Kut cheh bomb pakhat,  Luchin 24,  Phone 15,  Sniper kuan ruk, K3 kuan 2099, Nato machine kuan 567,  Bomb 1, le phaisa 3,911,110Ks an laak khawh, tiah theih a si.

Kahdohnak ah KNLA lei in minung 4 hliam an tuar i, SAC ralkap kuan nih mizapi a khen mi hna chung in minung 4 an nunnak a liam, tiah theih a si. Cred : The Chin Post