Sagaing ramtthen, Khin Oo peng Tha Naung Gyi khua ah PDF ralkap hna sakhan umnak hmun ah ralhraang pawl a rak hruai hna tu, ralhraang khanhmi khuabawi U Zaw Wan (kum 47) le piosawtthi phu dirh tu Kyaw Thein (kum 50) hna cu nizan September ni 22, kum 2021 zanlei suimilam 6:00PM hrawng ah khan ralhraang pawl he ton biaruahnak an neih hnu an lawinak lam ah an thiruak in an char hna.
Ralhraang pawl he ton biaruahnak an neih hnu inn lei an lawinak lam, Khin Oo le Thin Paung kar motor lam cung, Gone Gyi khua le Poke Ai khua kar ah naam sawhnak hliamhma he an thiruak in an hmuh hna. Hi kong he pehtlai in khuami pakhat nih “Zaw Wam hi ralhraang khanhmi khuabawi a si i Khin Oo peng PDF sakhan umnak ah ralhraang pawl a rak hruai hna caah PDF sakhan zong ralhraang nih an rak laak,
Khua chungah ralhraang pawl zong voi 5 nak tlawm lo an rak lut cang” “Kyaw Thein hi khuanu khuapa (zat mih zat phah) lei in a cawlcaaangmi si i ralhraang pawl he zong aa kawm ngaimi si, khua chungah piosawtthi phu dirh tu zong si i facang le phaisa zong bawmhnak a pek hna” tiah a chim. Ralhraang khanhmi khuabawi Zaw Wam le piosawtthi phu dirh tu Kyaw Thein hna hi kan mah nih kan thah hnami si i dalan kan thah hnami 26 nak an si tiah King Cobra-Khin U lei nih thawngthanhnak an tuah.
Mandalay ramtthe, Ngaung Oo peng Chaung Shi timi khua ah ummi ralkap chuak pahnih hna cu tuni September ni 22, kum 2021 chun ah khan Than Yi (kokek zu phunkhat) zuarnak pawng ah a ho ti theih lomi nih meithal in thilak an kah hna,. A tu bantuk in meithal in thilak kah tong tu hna hi ralkap chuak le ralhraang sin ah thawng pe tu Win Hlaing le Myo San hna an si, ralkap chuak an si bantuk ralhraang nih uknak an laak hnu ah,.
Mipi lei cawlcanghnak vial te ralhraang pawl sin ah a thli thup in thawng petu dalan an si. Hi kong he pehtlai in khuami pakhat nih mah hna pahnih hi ralkap chuak an si i ralhraang sin thawng petu dalan zong an si, an thih kha ttha deuh ko, an kah hnanak hmun ah an thi colh tiah a chim. Win Hlaing le Myo San cu meithal zun 2 ve ve in thilak kan kah hna tiah MGN TIGER phu nih thawngthanhnak an tuah.
Sagaing ramtthen, Min Mu peng Wan Pyae timi khua, Chit Chit timi Beer dawr ah nizan September ni 22, kum 2021 zanlei suimilam 6:00PM hrawng ah khan khuachia lainawng pa Min Aung Hlaing palik bo 2 pa meithal in an kah tiah khuami hna nih an chim. Hi kong he pehtlai in mit bak in hmu tu pakhat nih “September ni 22, zanlei suimilam 6:00PM hrawng ah Min Mu khua ralhraang palik sakhan in palik pakhat meithal kah a tong, sakhanhmu ma si a niam deuhmi dah si ti cu ka thie lo, meithal zun 4 in lamhlaat in an rak kah”
“Khoika zawn ah dah a khen ti cu ka thei lo nain tlawmpaal ah an rak laak i sizung ah an kalpi tiah thawngpaang kan theih, a thi maw, a nung dah timi belte fiang in kan thei rih lo” tiah a chim. Min Mu khua ralhraang palik sakhan in bo 2 pa kan kah, a paw zawn ah hmun 2 le a phei ah zun khat in kan khen tiah Min Mu Guerrilla phu lei in ttuanvo nei tu pakhat nih DVB ah chim. Min Mu khua ah ralhraang palik an kah hi a voikhatnak bak si i ralhraang thazaang petu le bawm tu paoh cu pehzul in kan thianh thluahmah hna lai tiah an chim chap. Chin24Saven News
Leave a Reply