PDF sakhaan an khangh lio ah bomb puah an tong i ralhraang pali an thi. November 26, 2021 Monywa peng chung ramlak i um mi PDF sakhaan hmunkhat cu ralhraang nih an luhhnawh hna i, sakhaan mei in an khangh lio ah bomb puah an tong i ralhraang pali an thi tiah,.
Monywa Lightning PDF nih thanh. Nihin zing suimilaam 5:00 hrawng ah Monywa peng Nyaunghpyupin sakhaan in ralhraang tamnawn cu ramlak hmunkhat i a um mi PDF sakhaan cu luhhmawh in mei an khangh lio ah Monywa Lightning PDF nih bomb an puah hna i pali an thi, pali hliam tuar an um tiah thawng an thanh. Ref. The Ladies News
Nihin Zinglei Lihninh ruang ah Lungcawi Biakinn a Rawk —Nihin November 26 zinglei sml. 6:15 hrawng ah a cangmi lihninhnak ruang ah Hakha he meng 50 hrawng a hlatnak Lungcawi khua i Believer Church biakinn ah rawhralnak a um, tiah Khrihfabu pastor sin in thawngpang kan theih. Lungcawi Believer Church ah pastor a ttuahmi Saya Van nih, “Li aa hninh ning a fak hringhran.
Kan khua thing inn pawl cu an i thui dih ko. Sau deuh i hnin sehlaw zeidik kan lawh hnga,” tiah lihninh a fah ningcang The Chin Journal ah a chim. Lihninhnak ruang ah Believer Church biakinn pulpit cunglei tlakrawh a cim i pulpit zawn ah a vung tla. “Pulpit cung i tlakrawh rualmi a cim i celling a pemh hnu ah pulpit zawn ah a tla.
Thudan cheukhat le thilri cheukhat an rawk,” tiah a chim. Hakha khuami hna zong nih lihninhnak fak ngaiin an theih ve. “Nihin zinglei lihninh cu a vawr bak in a kan vawr ko. Inn a rawkmi zong an um kho men. Aa hninh ning a fak tuk,” tiah Hakha khuasa pakhat nih a chim ve.
Lihninhnak kong he pehtlai in Myanmar khuati zung nih “Hakha he meng 10 a hlatnak Nitlak-Chaklei zawn ah 6.0 Magnitude lihninhnak zinglei sml. 6:15 ah a chuak,” tiah report a chuah ve. US Geological Survey zong nih Hakha pawng ah 6.1 Magnitude lihninhnak a chuak, tiah a langhter ve. [Burmese]
ေျမငလ်င္လွုပ္ရွားမွုေၾကာင့္ ဟားခါးၿမိဳ့နယ္တြင္ ဘုရားေက်ာင္းတစ္ေက်ာင္းပ်က္ဆီး ယေန႔ နံနက္ပိုင္း ၆:၁၅ အခ်ိန္ခန႔္က ဟားခါး ေျမငလ်င္စခန္းနဲ႔ ၁၀ မိုင္ခန႔္အကြာ အေနာက္ေျမာက္ဘက္တြင္ ေျမငလ်င္ရွားမွုျဖစ္ပြားရာ ဟားခါးနဲ႔ မိုင္ ၅၀ခန႔္ အကြာတြင္တည္ရွိသည့္ လုံႂကြယ္ေက်းရြာ Believer Church ဘုရားေက်ာင္းတြင္ ပ်က္ဆီးမွုရွိခဲ့ေၾကာင္း သတင္းရရွိသည္။
ဘုရားေက်ာင္း ပလႅင္ေပၚတြင္ အုပ္နံရံျပဳတ္က်ၿပီး ထိုင္ခုံနဲ႔ပလႅင္ေပၚရွိ ပစၥည္းတစ္ခ်ိဳ့ ပ်က္ဆီးသြားေၾကာင္း အသင္းေတာ္ပါစတာတစ္ဦးက The Chin Journal ကို ေျပာပါတယ္။ ယေန႔နံနက္ပိုင္း ၆နာရီ၊ ၁၅မိနစ္၊ ၄၅စကန႔္အခ်ိန္တြင္ အင္အား ရစ္(ခ္)တာစေကး (၆.၀) အဆင့္ရွိ အင္အားအသင့္အတင့္ရွိေသာ ေျမငလ်င္တစ္ခု လွုပ္ရွားသြားေၾကာင္း မိုးေလ၀သႏွင့္ဇလေဗဒဌာနမွ ထုတ္ျပန္သည္။ – The Chin Journal
Leave a Reply