Nay Pyi Taw, Lay Win peng Shan Suh chek nak gate ah security a ngak mi palek hna cu mipi vengtu ralkap Nay Pyi Taw nih meithal in an kah hna i palek bawi chang pakhat a mit chung kuan nih a ken i a thi tiah Nay Pyi Taw PDF nih an thanh. September 14 chun 2:30 ah a cang i gate ah security hngak mi palek 7 an si i meithal voikhat lawng in kan kah hna tiah PDF Nay Pyi Taw nih September 14 ah an thanh.
” NUG nih D Day thawng a thanh hnu in Nay Pyi Taw pawngkam cu kan zoh fel tik ah Shan Suh gate hi a tittet tuk. Mipi hna cu an tuk an velh hna caah kan va kah hna.A hram thok cu meithal hma lawng a hmu tiah kan ruah. A hnu ah kan hlat than i a mit ah methal kuan nih a khen i a thi tiah ” PDF phu i tuanvo ngei tu pakhat nih a chim. PDF ralkap hna cu hliam hmu lo tein hnu kan kir than kho. Mipi hna cu thil phun phun in harnak pe tu ralhrang cu Nay Pyi Taw PDF nih an ci mih tiang kan doh lai tiah an thanh. The Chin Post
U Naing Lyin cu an tlaih lio ah a lu ah meithal kuan in hliamh a si i, nizaan September 14, zaanlei sizung ah phakpi a si nain, a nunnak a liam tiah khuachung thawngzamhnak pakhat si mi Maylatt A Than thawngzamhnak nih an tial. Ralhrang phu hna nih a umnak inn ah luhhnawh in meithal in an kah tlaih an timh i a zaam na in dawr an tuah nak pawng Nga Hlaing Dwin lam tonnak pawng ah an tlaih tiah theih a si.
Yesagyu peng NLD party chungtel pakhat nih peng rian ngei tu U Naing Lyin cu a umnak inn ah ralhrang phu hna le Salyin peng palik hna nih luhhnawh in an tlaih , an kah caah meithal kuan hliam nak in a nunnak a liam tiah a langhter. U Naing Lyin cu 2020 kum, thimnak ah hlutdaw palai i rianngei tu pakhat dirhmun in rian tuan tu a si, Khin Paloe khua mee zung ah mee diklo a um tiah sualpuh in mee-zung -hmu tazacuai a tong mi a si.
Leave a Reply