PDF Nih Palek Bawi Meithal In An Kah

PDF Tedim (Zoland) nih khua a hel mi palek an kah hna i bo khat pa an hliamh – Chin Ramkulh, Tedim khuapi ah Palek Sakhan Lutlai hruaimi palek hna cu September 4, zinglei sang suimilaam 11:00 fai i khua an hel lio ah PDF Tedim (Zoland) nih Palek bo khat rank a si mi Than Lin Oo cu meithal zuun thum in an kah i SAC mithat phu hna nih sii-inn ah an kalpi tiah kan theih. Hi kong he pehtlai in khuami pakhat nih, “Motor hme pahnih le palek motor pakhat an dihlak minung 12 nih khua an hel.

Khua an hel lio ah PDF Tedim (Zoland) nih meithal zuun 20 in an kah hna i palek bo khat pakhat hma a pu. Hliam a tuar mi palek cu kha-lah-ya (269) SAC ralkap battalion nih sii-inn ah an kalpi,” tiah The Hakha Post ah a chim. SAC nih Myanmar ram uknak an laak hnu in Tedim khuapi chung ah SAC mithat phu lei riantuan palek le a dangdang an thah mi hna hi minung 5 leeng an si cang tiah kan theih. Tedim , – heHakhaPost

Mizo nungak Assam Rifle ah ralkap a tuan lio mi Jones C. Malsawmkimi, kum 20 cu a riantuannak hmun Dimapur pawng Shikhavi ah a ruak in an hmuh. Jones C. Malsawmkimi hi Mizoram, Lunglei khuapi Lunglawn veng ah khua a si lio mi C. Zaihmingthanga fanu a si i, ralkap a tuannak hi kum 3 hrawng a si cang tiah theih a si.

Amah hi Nagaland, Dimapur ah thial a si i, September 2 ah khan a duty a dih hnuah a umkal nak theih a si lo caah palek zungah first information report (FIR) pek a si hnu nizaan ah a ruak in ramtang ah hmuh a si.A thih ning zeihmanh fiangfai in theih mi a um rih lo tiah theih a si. Lunglei YMA hruaitu hna nih an chim ningah a ruak hi postmoterm a si hnuah thaizing September 5 ah Lunglei lei rak phorh a si lai tiah theih a si. Ref; MSR

Be the first to comment

Leave a Reply

Your email address will not be published.


*