PDF nih a donghnak bik ralrin peknak a thanh

Sagaing ramthen chung Ralkap Council nih rian pek mi khuabawi dihlak i phuah ding in PDF nih a donghnak bik ralrin peknak a thanh =================== Hakha, September 26 Ralkap Council nih rian pek mi Sagaing ramthen chung khuabawi vialte nih, nihin September 26 thawk in rian i phuah ding le rammi zapi sin ah i fon ding in Sagaing PDF nih ralrin peknak ca an chuah. Sagaing ramthen chung ah a um mi Ralhraang Council kuttang riantuantu dihlak nih a ran khawhchung in rammi sinah rak i dor ding in, a donghnak bik ralrin kan in pek, kan in forhfial hna tiah cathanh ah an langhter. TheHakhaPost

Syria ralkap nih Israel quadcopter drone pakhat cu an ramri leng an rak lonh caah Golan Height pawngah Russia sermi air defense system hmang in tla lak in kan kah piak hna tiah an chim. Asinain, anmah Israel ralkap nih an chim ve nak ahcun kan drone hi an kah ruangah a tlak diloin routine operational activity tuah lio ah technical problem ruangah a mah tein a tlami a si tiah an chim ve.

Hi thil a can hi Iran ralkap nih Israel ram Golan height in lamnai teah kan um tiah an thawng an thanh tlawmpal ah a si. Cu lengah Iran ralkap nih an dirkamhmi ralhrang phu Hezbollah nih lenglang piin Israel cu an tlerh khawnh hna i, kan missile pawl cu Israel lei hoih in ready in kan chiah dih cang hna tiah an thanh ve. Tuhlan zongah Israel le Syria le Hezbollah kar ah i en tainak cu a um peng ko nain a tutan i Israel drone an kah piak hna hi cu phundang deuh te a hun si.

Pakhat nak ah warning pek nak um lo bak in an drone an kah piak hna. Syria nih an kah timi hi evidence tha tein a um ko buah Israel accident in a tlami a si tiah an ti i lehrulhnak zong an tuah fawn hna lo. Atulio hi US nih China he an buainak tu focus a tuah deuh lio a si caah Israel telh in middle east lei hi a vun daih thlanh ngai lio a si.

Idon dome caah US nih UD dolar billion leng pek a timhmi zong cancel a si. Cu ruang ahcun Israel nih kahdohnak fak a chuak sual lai tiin lehrulh loin dai tein a umnak hi a si kho men tiah ruah a si. A ruang cu Syria le Iran cu Russia nih direct in a bawmhmi hna an si caah,

Israel nih fak lak tein lehrulhnak a tuah hna ahcun direct in Russia a zuang ding a si kha a fiang tukmi a si caah a si. Atulio an sining ruah tikah zangfak ngai an si, an ral pawl hmai ah Israel cu anmah te lawng dirkamhutu ngei loin chiahmi ko khi an lo. Hi hi Biden hruaimi Democrat party an hung kai hnu in a si.