PDF Lutlai Ralhrang Nih An Thah

Sagaing ramthen, Depayin pengkulh chung ah bochan taktak mi, an mah Depayin PDF lakah hruaitu lutlai, bochanbik mi tiah an timi pasaltha nih ram le miphun zalennak caah a nunnak a pek timi thawngpang nih mipi thinlung a fah ter ngai ngai. Atu a nunnak a liam mi pasaltha hi, chunzaan din loin PDF a dirkamh tu,

Azohkhenh tu hna, raldohnak ah a hruaitu hna, an mah PDF hruaitu tha bochan taktak mi asi. “Nizaan ah a nunnak a pek hi asi. Aphu in a rak ra mi SAC ralhrang pawl a thli tein an cawlcanghnak a ngiat hna lio ah, SAC ralhrang nih ruahdamh in an kah mi Meithal kuanfang nih a khen sual i a nunnak a liam.

SAC Uico ralhrang pawl cu an kalnak kip ah thinphang in an um caah meithal heh an puah lengmang. Cu Meithal ruahdamh in puah mi nih Ko Myat Win cu a khen sual bik mi asi. Ko Myat Win hi raldohnak (Mission) lutlai a si bantuk in, a hruaimi hna PDF pawl an himnak ding ah tiah SAC ralhrang pawl cu a kah hrawnh ve hna,

Cun a naule PDF pawl cu ahim nak lei ah an zaam. Cu lio ahcun Ko Myat Win tu cu SAC meithal kuanfang nih a khen hi asi” tiah PDF chungtel pakhat nih a chim. Nihin lila zong Depayin pengkulh ah ralhrang pawl thazaang an chap cuahmah rih. Nizaan ah khan SAC ralhrang 30 an thih hnu in thazaang le hriamnam an rak chapchih hi asi.

Cu caah nihin zong raldohnak a faak chinchin ko mi a si caah pawngkam khuami pawl ralrin ding in PDF lei nih theihternak zong an tuah hi asi. V.O.M