November 1, 2021 ah PDF pasaltha hna nih SAC ralhrang (40) kan thah hna tiah thawngthanh nak ah an langhter than. Hmun tampi ah kahnak a um i PDF lei nih IED Bomb in an puah hnawh hna caah SAC ralhrang lei tam ngai an thih hi asi. SAC ralhrang pawl cu Tawmahywa khuate in Mawkun’s Mountain lei an rak rat cuahmah lio lampi ah PDF nih Bomb in an phomh hna hi asi.
SAC ralhrang pawl hi October 31, 2021 ah khan Marahtheinywa khuate ah an riak, cu hnu ah Tawmahywa in Mawkun lei an kal lio ah PDF pasaltha pawl nih an phomh hna. “November 1, 2021 chun suimilam 12:00PM tluk hrawng ah a si. IED Bomb in voi (6) leng puah hnawh an si. Cu ahcun SAC ralhrang 40 an thi i a dang tampi zong hliam an tuar” tiah PDF nih cun an langhter.
SAC ralhrang pawl cu lampi ah PDF nih an kah hnu hna ah namchan in Kawlin, Sagaing ramthen lei ah an lan cuahmah ti asi. Nihin kahdohnak ah PDF lei hliamtuar le a thi kan um lo tiah an langhter hi asi.
Lemcang Paing Phyo Thu a nulepa nih an hlawt November 1, 2021 Video lemcang Paing Phyo Thu cu a nu le pa nih an fa sinak in kan hlawt tiah November 1 chuak ralhraang thawngzamh ah an thanh. Cu thawngthanhnak ah cun, “U Soe Win le Daw Nwe Oo i kan fanu Mah Paing Phyo Thu (၁၂/အစန(နိုင္)၁၈၈၉၇၁) cu nu le pa chimhhrinnak zei rel lo in
lungretheihnak lawngte a tuah lengmang caah nihin thawk in kan fa sinak in kan hlawt. Hi hnu ah amah he aa pehtlai mi zeihmanh tuanvo kan la ti lai lo,” tiah an thawngthanh mi ah an tial. Lemcang Paing Phyo Thu cu ralhraang dohdalnak ah aa tel lengmang caah pohmah 505 in April thla thawk ah tlaihkhihnak nawl an chuah caah himnak hmun ah a dor chung lio a si. Ref: Mizzima
Leave a Reply