PDF An Ral Ngan Taktak Thah Si Cang

Mandalay Ramthen, Kyautsii peng Tinphyo khua Ralhrang kuttang khuabawi U Ting Hte cu mei man pe uh tiah tlang a au lio ah meithal in an kah i a thi tiah kan theih. November ni 1 zaanlei Suimilam 6 hrawng ah U Ting Hte hi meithal in kan va kah tiah Dragon Kyaukse Defense Force hruaitu pakhat nih a chim. Hi pa hi Ralhrang sin ah PDF hna cawlcangh nak thawngpe pengtu Dalan a si,

Zaanlei sang Zung ah a mah lawng a um lio ah meithal zunthum in an kah i a thi, cu tlawmpal ah Ralhrang pawl an ra i a ruak cu an kal pi tiah khua mipakhat nih achim. Ralhrang kuttang ah riantuan mi khuabawi, Zung riantuan le Dalan pawl cu Ralhrang kuttang in nan rian nan ngol lo ah cun U Ting Hte bantuk in kan in thah hna lai tiah DKDF nih cathanh an chuah. Credit. Mizzima

Nizan November ni 1, kum 2021 ah khan Sagaing ramtthen, Khin-U peng, Thayatkan khua ah Min Aung Hlaing ralhraang pawl nih zei hmanh sualnak nei lo khuami pathum an thah hna tiah thawngpaang theih a si, sualnak an neih ruang i an hei thah hna ah cun ruahthiam ding a um deuh, mah lo chung te rianttuan lio hna i hei thah men cu a faak hringhran ko.

Hi kong he pehtlai in khuami pakhat nih “an leikuang cung rian an ttuan lio ah meithal in thilak an kah hna, an thah hna hnu ah ralhraang pawl nih cun PDF an si ruangah kan thah hna tiah thawngthanhnak an tuah, an mah le an Leikuang chung te ah rianttuanmi an si, khuami hna zong ttihnak in an khat i khua chung zongah an lut ngam lo” tiah a chim.

A tu bantuk in ralhraang nih an thah hnami khuami pathum hna cu Ko Phyo Wai Aung, Ko Chit Ko le Khi-U khua Myananda sang ah ummi Ko Yan Naing hna an si. Hauh Enn Lian cu CDF Tonzang sin ah a Fonh Shan ramkulh Mine Yuang khuapi Khah – Lah – Yiah 335 ah ralhrang rian a tuanmi Mg Hauh Enn Lian pumpak

no. 519703 cu mizapi lei ah dir in CDF Tonzang he afonh cang tiah cathanh an chuah. Rampi sining cu arawk tuk cang caah Min Aung Hliang kuttang ah ralhrang rian tuan ka duh ti lo tiiin October ni 7 ah mizapi he afonh cang tiah nihin November 2 ah CDF – Tonzang nih thanh nak an tuah. Khit Thit Media