BIBLE nih a kan cawn piak mi cu mi cung ah thiltha tuah kha asi ko. Cu caah angki zung hnih na neih ah cun zun khat kha a neilo mi va pe hna tiah a kan fial, Luke. 3:11. Pathian bia a fiang taktak mi hna nih cun, ka dam chungah hin thiltha ka tuah ve manh lai lo ti an phan. A ti khawh tawk in thiltha an tuah.
Khrihfa zesuh zumtu kan si nak cu, kan nun ah a langh hrim hrim a hau. Ramdang minung hna thluachuah an hmuhnak hi zoh tik ah a bik in, mi bawmh duhnak thinlung an nei mi le an bawmh mi hna ruangah hin asi hrim hrim ko. Kei mah ka pawngkhim le hnipuan dawh dawh ka eih fenh kho ah cun a za ko, tiah a ruah mi hna caah cun, cung lei thluachuah cu a um lem lai lo. Thiltha tuahduhlo hi pathian doh phunkhat asi.
American ram in a ra mi, missionary pa nih a tuahmi thil , an zoh tik ah, nepali minung tampi, zesuh hmanh thei bello mi hna cu an nung an I thleng I, khrihfa an lut hna. Hi missionary pa nih nepali ram I a um mi, ngakchia hna kha a zoh tik hna ah, a zaang an faktuk , a thinlung ah bawmhduh nak a nei hna.
A neihchun te in kedenh denh ding le angki eih ding cawkpiak hna. Thlacam piak long in cun asi kho lo caah , a neihchun in a tuahpiak hna. Voikhat hmanh kedenh le angkhi tha a nei bello mi an si tik ah, a ni nuamhtuk ah an mitthli a tla. Hi thil missionary pa nih a tuahmi hi mipi nih an hmuh tik ah, an khuaruah a har I an nun an I thlengdih hna.
Hi thiltha a tuah nak ruangah nepali ram I ummi mi tampi hna cu, an nun an I thleng I khrihfa ah an lut hna. Thiltha kan tuah mi hi pathian nih a kan theihpiak peng ko. Thiltha na tuah nak nih mi nun a thleng vet e hrim hrim lai.
Khrihfa cu thiltha tuah ding in fial mi kan si.
Leave a Reply