Mindat ramri ah hmunhma la mi Batalian chung in ralhrang 2 CDF sinah an lut Mindat ramri ah hmumhma lami Batalian 274 in ralhrang 2 cu nizaan September 4 ah CDF Mindat sinah an lut tiah theih a si. Cun Hramhram nawlngeihnak la tu ralhrang phu khah-lah-yah(104) in ralhrang minung 28 nih an hriam tling nih riahbuk an chuahtak i mipi lei ah an dir, Cun Hakha Palek In Runno (Duh Tatkyat) Bawi Van Hmung Cu CDM A Lut Sept 4, tuni in Hakha palek in Runno (Duh Tatkyat) Bawi Van Hmung cu CDM a lut cang tiah theih a si.
Bawi Van Hmung nih cun “Mipi he dir in khongton uknak hi a rawh dihcek tiang dohnak ah kaa tel lai. Ralhrang nih mipi cungah an tuahmi thatlonak vialte ka hmuh pinah a diklo ningin palek nawl an kan pek lengmang mi cu ka zulh lo caah CDM ah ka luhnak a si” tiah a tial. Palek dang le ralhrangbu tang i riantuantu dang hna zong nih a diklomi nawlpeknak cu zul loin a dikmi lei ah dir cio usih. Runno Bawi Van Hmung…Bawipa nih in umpi ko seh! Upatnak kan in pek! The Chin Post
Yangon Hmawbi Paletwa ralzaam camp ah COVID-19 zawtnak ngei minung 3 hmuhEnter, Chin Ramkulh, Paletwa Peng in umnak a chuahtak i Yangon, Hmawbi ah ralzaam dirhmun in khua an sa mi hna sin in COVID-19 zawtnak ngei minung 3 hmuh an si tiah kan theih. COVID-19 zawtnak hmuh mi hna cu kum 18 a tling rih lo mi kum 13 in 17 karlak mino an si. Thlopbul ding in Taungzalatt Center ah an chiah hna tiah kan theih.
“Camp chung ah a damlo mi an um pah i zawtnak check an si tik ah minung 2 sin in zawtnak hmuh an si. Cun nihin ah an check than i minung pakhat an hmuh than. Hika hmun ah a dang tein chiahnak inn a um lo ca ah kumkhua upa mi hna ca ah tih a nung kan ti i Center ah kan chiah hna hi a si. A lamkip in a kan bawmtu nan dihlak cung ah kan i lawm,” tiah zawtnak hmuh mi a pa nih Khumi Media sin ah a chim. Hi ralzaam camp ah hin minung 100 leng khua an saknak a si tiah kan theih _ The Hakha Times
American hi thazaang thawng bik ram a si kho ti lo, tiah UK Defence Secretay nih chim, September 4, Afghanistan ram buainak kong he pehtlai in American cawlcanghnak pawl, UK ramdanglei Minister zung le ram hawikom hna he thanchonak an riantuan ning pawl zoh tik ah American hi a thawng bik (superpower) a si ti lo, tiah UK Runvennak Minister (Defence Secretay) Ben Wallace nih a chim.
“UK hi thazaang thawng mi ram kan si lo cu mizapi hngalh a si ko. Asinain, harnak le buainak pawl kha ahlankan timhtuahnak a ngei kholo mi ram zong thazaang thawng mi ram an si kho ve hlei lo,” tiah interview pakhat ah a leh hna i hihi American a chimhnawh mi a si. Ralkap lei thazaang thawn a herh bantuk in ramkheel lei thinlung a biapitnak kong a chim duh mi a si, tiah Defence Secretary he aa naihniam mi pakhat nih a chim.
Ben Walllace nih hin atu lawng hi American a soisel a si lo. Taliban nih Afghanistan ram lak an rak timh hmasa lio i Presindent Donald Trump (2020 lio) nih Taliban he remdaihnak a rak tuah mi zong, “Buainak tampi a chuahtertu thil a tuah, a palh,” tiah a rak soisel bal cang. (The Guardian/PeopleMedia)
Leave a Reply