Ngakchia hna cu na cawnpiak mi thil an teihmi bantuk te khan an than I, an ngakchia lio I an tuahtawn mi thil kha upat hnu tiang phlhkhawh asi tilo. Na cawnpiak ning bantuk te in ngakchia hna cu an thanlian ko lai.
Hi hna nufa te hi an khua ah a sifak bik an si. Nain an nun ah hna ngamnak le nuamhnak an nei a chan cu pathian an tih i pathian duhlo mi thil zeihmanh tuah an duh ve lo. Cu caah pathian nih a dirpi zungzal ve hna. An nu fate in an tuahkhawh bikmi cu pathian bia I ruah I pathian sinah thla cam kha asi ko. A nu nih a fate a upa tik ah, pathian theilo in a um sual lai ti a phangtuk caah, bible tuan bia thatha hna he a fapa cu a cawnpiak tawn.
A nu cawnpiak nak thawng in , a fapa te cu sianginn a kai nak le Sunday school a kai nak kip ah pathian nih a umpi I, pakhat nak longte a hmuh. Pathian dirpi mi fa le hna cu, mi nih tei khawh asi lo.
Cu caah na fa le hna kha Bible ca in Pathian bia na cawnpiak hna ah cun, zeitik hmanh ah , an thinlung ah sual tuahduhnak an nei bel lai lo. Nain an nei ding mi cu, dawtnak le zaangfah thinlung an nei lai. Kan fa le hi Ngaihchia nak mithli an tlak tartu maw asi lai, lawmh nak mithli an tlaktar tu dah ansi te hnga.
Pathian a duhmi inn chungkhar cu thluachuah an hmuh hrim hrim ko. Pathian nih a dirpi zungzal hna I, an tuahmi thilkip ah khawngaung an tong.
Zeitluk I asi fakmi hna zong nih pathian an I tleihpeng ah cun, mirum le minei hna nih cawk kho lo mi, nun hna ngam nak an nei. Pathian bia I a thang lian mi ngakchia hna cu an nun zoh ah duh a nung tuk. Pathian bia cu nu I thleng nak hrawmthok asi cu caah kan fa le hi kan dawt taktak hna ah cun, Pathian bia hi cawnpiak peng ko hna usih.
Ka buaituk ka manhlo tuk tiin zephel nak kawl lo in, kan fa le an thangcho nak ding ah pathian bia cawnpiak khawh I zuam hna usih. Na buai nak le na manhlo nak nih na fa le na cawnpiak nak hna ding can kha lak tar hrim hlah. Na buai cem nak ding cu, na fale cantha pek I pathian bia cawnpiak kha si hram seh.
Leave a Reply