Pathein Thong Le Palek Sakhan Ah Thongtla 190 An Thlah Hna Ayeyerwaddy ramthen Pathein ah July 27 ah thongtla le biaceih liomi minung 187 cu an thlah than hna tiah theih a si.
Rallokap nih uknak an lak February 1 hlan deuh ah, Fir nak, chuh nak, taw zuar nak ,hriamnam, Sii lei telh in a dang ziaza lei hna zong a sualphawtmi phih in kan thlah hna lai tiah thawng an thanh i thawng an thanh dih bak in an chuah colh hna tiah Pathein peng biaceih zung nih a chim.
An chuah mi hna hi cu a si ko nain an thlah hna hlan ni 5 a duh ah khan sualphawt phih piak ding in biachimpiak tu Sihni hna cu biaceih zung ah an auh hna hnu ah nizaan ah khan an thlah hna hi a si rua tiah Pathein peng biaceihnak ah a sualphawt mi zulh piaktu Sihni pakhat nih a chim.
Sualphawt mk an phih hnu ah an chuah mi ah hin fir nak in 4,thing ram lei nawl zulh lo ruang ah 4,Tangka thap lentecelhnak in 29, Zu zuar mi 3,Rithai sii 10,Hriamnam 13,taw zuarnak 2, hna hi an si.
An thhlah mi hna hi cu thonginn an chuah mi hna an um i palek sakhan thonginn in chuah mi hna zong an um tiah sihni pakhat nih a chim.
Atu bantukin an chuah mi hna chung ahhin uknak duhlo ruang i a cawlcang i tlaih mi an i tel lo nak a ruang hi lunghrinhnak an ngei.
The Chin Post
Leave a Reply