Pastor pawl CDM lak ding kan sawm hna CDM timi cu kan pom lomi, cozah ka si aa timi ralhrang pawl fialmi al/zulhlo kha a si. 1990s in Zomi Baptist Convention hruainak in CNF le Ralkap kar ah biaruahnak lam nan rak sial. Pu Chawn Kio zong nih an rak telpi hna i Chiangmai tiang nan rak phan.
Asinain nihin tiang a tlamtling maw? A tu ah chunglai tlak phun in um nan itimh ttheo mi hi ruat deuh tuah uh. Ralkap zia cu na fanu na pek ahcun na nupi tiang an chut ding an si kha philh lo ding. Hakha nan luh ahcun zungah ca va la uh nan ti hoi…CDM kan aupi cuahmah lioah nannih nih zung kal nan fial hna.
Zung ah ca va la uh nan ti hna. Hi ralhrang hruaimi hna hi cozah ah kan pom hna lo anmah tial piak mi ca zong kan herh lo. Pastor pawl, Ralhrang pawl hi nan det khawh ve tung hna lo ahcun an in auh hna zongah tong ti hna hlah ulaw a tha lai. Anmah nih an duhmi paoh an in chimh an in chimh hna i nan hei ttin. Kan hnulei tuan deuh nan iton lioah nan tonmi ralhrang bawipa a min hmanh nan hal ngam lo khah!
A tu hi daite um caan a silo bantuk in ttih lungin cawlcangh caan zong a si lo. Ping le pang i sukkhon dih sual a fawi te. Hitining hin cun kan mipi an lung nan der ter hna lai i CDF nan fale nan kan hloh dih sual lai. Cucaah Hakha Pastor pawl zong hi ralhrang cozah sinin CDM tuah ve dingah kan sawm hna! Salai Aung
Pa pawl anmah le mah nunnak lak ai tim cang nain, an chanh manh mi ti bantuk le, a lung ai let manh ṭhan mi ti bantuk pawl research a tuah hna. Bia cu pawl cu bia an hal hna tik ah, a ruang a hmuh khawh mi cu Pa cu, an ngakchiat lio tein, rak thlum alh lo deuh mi ( attention rak pek lo deuh mi ) le anmah tlon in tlon ter deuh mi an rak si.
Ṭah zong kha pa nih ṭah lo ding phun in rak i cawn piak deuh a rak si. Pa le zong nih rak sik vuak deuh mi an si ti si. Cu bantuk in an hung ṭhang tik ah, zei bantuk harnak an ton hmanh ah nu bantuk in chim an hmang ti lo. Cun, an hung upa i chungkhar an hun dirh tik ah, zei zong te kha an liang cung ah an i khinh dih. Chungkhar a harsat ah cun, pa bik santlaihlo ruang, fale hawi an lawh lo tik ah pale santleihlo ruang, ti bantuk in society mit ah hmuh an si cang.
Anmah zong nih, Social perfectionist si ding ah an i ruah ti si. Chungkhar hawi tluk i an chiah khawh lo tik ah mawh phurh nak vialte kha anmah nih an in ti si. Khat lei in nupi le nih, hawi na tluk loh, na kan daw loh, caan na kan pe loh tiah mawh phurh nak kha a rak um peng ve fawn ti si. ( Nu nih i sum kan hau deuh ko rua heheh! ) Cu tik ah mah le mah mawh an i phurh nak cu an phur kho tawn ti lo ti si.
A bik in kum-30 le kum-40 kar an van si ah hin an lungre a theih bik lio caan te a si ti si. Cun, pa cu, an lung a dongh cang tik ah cun a dih bak kha si cang ko. Zei hmanh khi lung siaherh mi an nei ti lo ti si. Nu cu, ka thih ah cun, a ho nih dah ka fale a van zoh khenh hna lai, ka nu kha zei tin dah a van um lai ti bantuk an ruat caah an lung an i let ṭhan tawn nain, Pa cu an lung a dongh cang ah cun a dong kha si ko ti si. Ref; Mental Health
Leave a Reply