Palek Bawi A Thi ruangmaang

Tedim Ah Palek Bokhat An Kah Mi A Thi Tedim khua luhnak ah Tedim palek bokhat Than Lin Oo cu September 4 zinglei suimilam 11 hrawngah an kah i September 5 ah a thi tiah theih a si. First Lieutenant (ဒုရဲအုပ္) hi a kuttang palek 12 he palek mawtaw 2 in khuachung an vel lio ah PDF-Tedim(Zoland)nih an kah hna i pathum hliam an tuar. Ralhrang khah-lah-ya 269 ah an conghhramh i Tedim in Kalay lei ah an kal pi.,Taingen khua an phanh ah a thi. The Chin Post

Irrawaddy ramthen, War Khe Ma(ဝါးခယ္မ)peng ah September 5 ah thlichia a hrang i tilawng a let a tlau mi pa minung ruak cu an hmuh cang tiah MRCS hna sin in theih a si. Alan khuakomh (အလံေက်းရြာအုပ္စု) ah rianherh in a kal mi kahcham(ဆည္ ေျမာင္း) riantuan pakhat le a fa pa cu tilawng in an kal pah September 2 zaan ah an tlau tiah War Khe Mah(ဝါးခယ္မ) peng MRCS i tuanvo ngeitu sinin theih a si.

Tilawng in a tlau mi pafa 2 cu September 5 nizaan zing suimilam 6:00 hrawng ah an ruak cu an hmuh hna i War Khe Ma(ဝါးခယ္မ) sizung ah pumhlai ding in an kal pi hna. War Khe Ma(ဝါးခယ္မ) peng ah fur khuacaan chung ah tilawng a leh pah tawn caah ruah a tam lio thlichia hran lio hna ahcun tilawng in tlunkal lo ding ralrin nak pek a si. – DVB, The Chin post

Ralhrang phu hna nih ramdeihnak caah kan tuan lai tiah an chim nain,atu tiang ah tlangcung hriamtlai phu hna hmunhma ah minung thazaang tampi hmang in kahdohnak an tuah caah NUG nih September 5 ni ah cathanh a chuah hi a si. Cu bantuk kahdohnak le harnak ruang ah Kawlram chung um minung tampi nih umhmun kaltak in ralzaam dirhmun an phanh khawh caah NUG nih kahdohnak kong he pehtlai in thawngthanhnak ah an langhter.

Cun ralhrang phu hna nih tlangcung hriamtlai umnak hmunhma tampi ah kahdohnak an tuah mi cu vawlei lei kahdohnak lawng si lo in vanlei kahdohnak zong an tuah caah, tlangcung mi hna umnak hmunhma kip in mipi hna nih umhmun an kal tak tiah NUG nih cathanh ah a langhter. Ralhrang phu hna nih an thil tuah mi kong ah NUG nih lungtlin lo nak le, mipi hna doh ding in bawmchan tu hriam thilri cawk ding ah bawmhchanhnak a tuah tu cozah, bu kip hna cu lungtling lo/ ka doh kalh tiah cathanh mi ah a langhter. The Chin Post