Pale PDF Nih Ralhrang Mawtaw Bomb An Puahhnawh, Ralhrang 30 Leng An Thi

Sagaing ramthen Kalay-Gangaw lei in Pale peng chungah a lutmi ralhrang mawtaw rual hna le ke-hmaikal ralhrang 50 hrawng cu Bo Naga (ဗိုလ်နဂါး) hruaimi Pale peng PDF, Battalion 5 in ralkap Maung Wei  (ရဲဘော်မောင်ဝေ) le a hawile nih Nov 13, tuzing 3:50am ah bomb pasarih an puahhnawh hna tiah Pale PDF nih cathanh an chuah. 

Ralhrang mawtaw rual le ke-hmaikal ralhrang 50 hrawng cu meithal puah pah in an ra i meng 59 le Ingdawpianh (အင်တောပြန့်) karlak Kyun Chaung (ကျွန်းချောင်)  hlei an phak ah Pale PDF nih bomh pasarih an puahhnawh hna i ralrhang 7 an thi i tam ngai hliam an tuar. 

Cu hnuah a thimi le hliam a tuarmi hna tuamhlawm dingin a rami ralhrang hna cu zanlei 4:00pm ah bomb 10 le miakpi 5 in an doh than hna i ralhrang lei cipkhap ti loin an thawng a dai. A hnu i kahdohnak hmun an va zohfel tikah ralhrang 30 leng an thi tiah Pale PDF nih an fehter. 

PDF Tangrualbu Hna Nih Yesagyo Palek Riahbuk An Khangh, Palek An Zam I An Hriamnam An Lak: Yesagyo peng Pa Kan Nge  (ပခန်းငယ်ရဲ) palek riahbuk cu Nov 13, chunghnu suimilam pakhat hrawngah People Defense Force Yesagyo ၊Phoenix Special Guerrilla (Yesagyo), 27 Revolution Forces  MGN) le ThwaythaukRevolution Forces hna nih an luhnawh i palek he  suimilam cheu chung hrawng an i kap. 

Asinain palek lei cu hliamhma an tuar caah an zam than i PDF nih riahbuk chung i catlap, cauk, saikel pahnih le meithal pahnih an lak hnuah mei in an khang tiah PDF Pale nih cathanh ah an langhter.  

Ref: Than Lwin Khet

The Chin Post