Pakokko Ah Miruak Khanghnak Seh Cu An Hmantuk Caah,Ruakkhanghnak Seh Cu A Rawk Magway ramthen, Pakokko ah meng 3 thlanhmun ah nifatin ruakkhang mi an tam tuk caah,ruak khanghnak seh cu a rawk,caan karlak ser a si lio ah, khangh lo awk a tha lo mi, miruak lawng khangh chung a si rih lai tiah theih a si.
“July ni 2 in August ni 2 tiang ah nunnak a liam mi hi minung 410 an si i, an ruak cu Pakokko meng 3 thlanhmun ah nikhat ah 12% hi ruak khangh an si.July 20 hnu in zaan ah ruakkhangh mi hna hi nikhat ah a tlawmbik minung 17 an si i, a tambik an khangh hi miruak 34 tiang a phanh caah ruak khanghnak seh cu a linhtuk ruangah a vampang cu an kak, remhlo in hman a si rih ko ahcun thinphang a si ko ” tiah sipin lei riantuan pakhat nih a chim.
July 2,2021 ni in August ni 2 tiang ah nunnak a liam mi 420 an si, cu chung ahcun zawtnak sawhsawh in a thi mi hi 315 an si i,Covid-19 zawtnak ruangah nunnak a liam mi hi 95 an si tiah theih a si.
” Minung pakhat a thih i a ruak khangh a si tik ah phaisa sang in a dih,atu cu vawlei hmun man, vawlei cawh man he cun sing tiang a dih kho” tiah khuami pakhat nih a chim.
Pengkulh sipin nih ruak khanghnak seh an tuah lio ah,miruak khangh lo awk a tha lo mi lawng khanghpiak an si,zawtnak sawhsawh in nunnak a liam mi hna cu vawlei ah vui an si lai tiah theih a si.
The Chin Post
Leave a Reply