August 20 zaanlei ah Pakistan, Baluchistan peng Gwadar area ah China mi cit mi mawtaw cu suicide bomb in an puah caah China mi ngakchia 2 an nunnak a liam, minung 3 hliam an tuar.
Palek pawl nih an chim ningah hi thil hi ruah lo piin a cang mi thil a si lo, China mi an rak cit mi mawtaw tinh in suicide bomb an puah mi a si.
Bomb puahnak hmun hi tiva kam Gwadar khuapi East Bay lam ah a si i, zaan suimilam 7 hrawngah a puak mi a si. Hma a pu mi hna cu an nunnak caah tihnung an si lo tiah theih a si.
Tuthla hramthawk ah Pakistan nichuah chaklei Khyber-Paktunkhwa ah hriamtlaibu pakhat nih Bus an kah ruangah China riantuan 9 le Pakistan ralkap 2 an nunnak a liam cang tiah India today nih a tial.
China nih Arabia rili kam ah a um mi Gwadar tilawng dinhnak hmun hi ram pahnih pehtlaihnak le thanchonak caah a biapi ngai ah a chiah mi a si.Amah belte cu thanchonak rian a tuan mi an ram hna cu kah an tong pah lengmang tiah theih a si.
Suicide bomb puah ruangah an ram minung a thi, hliam mi an um nak kongah China nih Pakistan cozah cu an ram minung hna tha deuhin himnak pek dingin a nawl.
The Chin Post
Leave a Reply