Pakistan ram ah khua nganbik si mi Karachi khua August 27 ni ah, sehzung mei kanghnak a chuah caah a tlawmbik minung 16 an nunnak a liam tiah theih a si.
Nichuah lei kam inn dot sang chemical factory sehzung ah meikhangh nak a chuah hnu ah sehzung i thlalang awng in, mi tamdeuh cu kharkhumh tiah palik le meithat zung lei riansang hna nih an chim.
Cu mei a kanghnak cu dot thum inn, a tangbik dot in a thok hi a si,sehzung riantuan mi hna cu dothnih nak ah an um,mei chung i kharkhumh bantuk an si caah tam ngai an nunnak a liam hi a si.
Atu bantuk ruah lo pi thil can hi, thil thar le khuaruah har ding cu a si lo, Pakistan ram caah cun sehzung tuan mi hna humhimnak ding kong he pehtlai in bia halmak tampi a chuah ter.
2012 kum September thla lio ah inn dot sang thilthit nak sehzung ah riantuan mi minung 260 leng cu meikangh ruang ah an nunnak a rak liam mi kong cu, Pakistan tuanbia ah nunnak a liam mi tambik a chuah nak sehzung meikhangh hi a si.
South Asia in sehzung tam deuh cu a za tawk mei lei runvennak a um lo caah meikangh nak kong he pehtlai in ruah lo pi thil can a tam nak hi a si.
The Chin Post
Leave a Reply