Mesut Ozil cu Arsenal chuah tak in Turkey club lei ah i tthial dawh a si cang ko hih. Turkey club Fenderbahce sporting director Emre Belozoglu nih cun Ozil hi kan caw kho deng mang cang tiah a chim.
Kum 32 i upa mi Ozil nih hin Arsenal ah tu tan season dih tiang contract a ngei rih i, a contract ngei lio mi cu a dih deng mang cang ruangah club dangdang he i dornak an ngei kho cang i, pre-contract zong a tial kho cang.
Ozil agent le Fenerbahce te i dornak ah, a agent hna nih hin Fenerbahce pin ah Major League Soccer club DC United zong he an chawn ve i, asinain amah neih cem tu club hi Turkey club Fenerbache hi an si.
Arsenal nih hin Ozil hi an duh ti bak lo siin a lang, Premier League le Europa League squad zongah an chia bal ti lo, German midfielder hi nikum March thla in Gunners caah hin a chuih ti lo.
Ozil caah cun Arsenal chuah tak hi thil tha cem siin a lang.
Leave a Reply