Nyaung Oo pengkulh khuate pakhat ah tonbiaruahnak meeting a tuah lio mi khuaukbawi phu hna cu meithal in kah an ton caah minung pathum an nunnak a liam tiah theih a si. May thla 19 ah Nyaung Oo pengkulh Aout Ngein khua in khuaukbawi a si mi U Sein Ye cu a inn ah meeting an tuah lio ah meithal in kahthah a tong tiah theih a si.
” Nizaan suimilam 12:00 hrawngah meeting an tuah lio ah an kah hna tiah theih a si. Hliam a tuar mi cu Nyaung Oo siizung ah an kuat hna i minung pathum hna laakah Ukbawi aa tel lo tiah theih a si, thawng fiang cu theih khawh a si rih lo .” tiah tualchung mi pakhat nih a chim.
Kah thah a tong mi, a nunnak a liam mi khuaukbawi hna cu, Khaing Zaw, Kyaw Kyaw Min, Mg Myint Soe an si tiah theih a si i, Mah thil a caang mi kong he pehtaliin May Lat PDF , TTA , Seven People Defense Force(S.P.D.F)၊ Bagan Heros Guerrilla Force(B.H.G.F)၊ 27 Revolution Force(MGN) phu fonh in an kahdoh mi hna si tiah Facebook cungah an tlah tiin an chim.
Relchap, ( Careltu nih a dih tiang rak rel) Ralhrang bawi pawl le USDP party lutlai pawl an i thuhnak Nay Pyi Taw khuapi cu zohchun awk tlak khuapi ah kan ser lai tiin Min Aung Hlaing nih a chim. Nay Pyi Taw cu Kawlram khuapi a si bantuk in ramthen le ramkulh cio hna nih an i zohchun awk tlak khuapi si ding in kan i zuam lai. A thinghlimmi khuapi, a hringmi khuapi le ai smart tak mi khuapi si ding in kan ser lai tiah Min Aung Hlaing nihcun a chim. Nay Pyi Taw khuami cu kan theih bantuk in Than Shwe nih a thli tein a rak sermi khuapi a si. Kawlram phaisa billion tamtuk dih in a rak ser. Rampi phaisa vialte cu Nay Pyi Taw sernak caah a rak hman dih.
Ralhrang bawi le USDP party lutlai pawl an i thuhnak a si. Ralkap thazang zong a thawn biknak khuapi a si. Cozah zung vialte zong Than Shwe nih a rak thial dih.A sinain ramdang tanzung pawl an i thial duh lo. Yangon ah an um rih ko hna. Kawlram mirum tampi le Kawlram minthang tampi an i thial duh lo. Yangon ah an um peng ko hna. Nay Pyi Taw i bawlung chuihnak certual pakhat hna cu minung thongsawmthum tlum bak a si i a tha taktak mi a si. Khuaruah har tha in Than Shwe nih a rak sermi a si. Nay Pyi Taw khuapi ahhin cozah hmunhma timi a um. Cu hmun ahcun mi sawhsawh kal khawh a si lo. Ralhrang bawi hlun chungkhar pawl an umnak inn a si. Special in an sak i ralkap nih tha tein an hngah mi hmun a si. A cung ah drone zuanter zong a ngah lo. A tu Min Aung Hlaing nih tha taktak in sersiam a hun timh than. Ka sersiam lai a timi cu anmah ralhrang umnak pawl kha remh that a duh caah a si kho men.
Relchap, Lufah a hmang lengmang tawn mi hna nih a tuah ningcang zong har lo tein dam khawh nak ding caah khachuan rang hi rak tuah ve cio uh law, a man a fak loh i a tuah zong a ol tuk mi te a si. Lu hrapcheu fah a hmang mi hna nih cun khachuan rang bokhat kha nan kheh lai i cip tein nan phomh lai, kha na phomh mi kha catlap rang mi ah khan na benh lai i na hnabek ah khan na benh chih lai.Cun, na lu a fah dih a si ah cun khachuan rang kha na hnabek khatlei khat lei ah na benh piak lai. Khati na benh hnu tlawmpal ah khan na thlan a chuak thluahmah lai i na lufah nak vialte kha a dam dih ko lai. Sii cawk ai harh mi le sizung sekhan i kal ai harh mi hna caah hi sii hi a tha tuk mi a si caah cun inn kip nih kan neih zungzal mi thilri zong a si fawn cucaah cun lufah na hman ah cun rak tuahpiak ve hrimhrim law na dam ko lai.
A tlangpi in minung a ho poh nih lufah hi kan hman dih mi a si, lu a hrapkhat le fah ti bantuk zong a um sual a si ah cun hi a tuah ning cang hi thaten rak tuahpiak law nai dampi hrimhrim ko lai. Lu chia fah ruangah zan hngilh kho lo tiangin a buai mi zong mi tampi kan um tawn cu ca zong ah mah sii hi a tha taktak mi a si caah siaherh nak lianpi he rak tuah piak ve htimhrim law na dam ko lai. Thahri Fah A Hmang Mi Le Hliahcang (Ruh ) Fah A Hmang Mi Caah Sii Tha Taktak A Si Minung hi nu kan si ah siseh pa kan si ah siseh kan kum a van upat thluahmah cang ah cun, kan thazang a dih thluahmah cang i, kan ruhkhua le kan hliahcang fahhram ai thawk thluahmah cang. A bik in kan khupruh hi a fak khun tawn, kan keng kan tawk kan thahri pawl fahhram ai thok thluahmah cang. Cuti kan thahri le kan ruh a fah cang hnuah cun kan duh mi thilpoh kan tuah kho ti loh i a tuar a har tuk hringhran tawn.Kum upa lei pawl nih an khupruh a fah ruangah tha tein a dir kho lo mi pawl khi nan hmuh cio tawn hna lai tiah zumhnak ka nei. A ing tu taktak si lo ah cun a tuar dan ning theihthiam pi zong a har ngai.
A fah a ing bal mi lawng nih theihthiam khawh mi thil a si. Kum upa lei sang so cang ruangah hliahcang le khup thahri a der tuk cang ruangah normal minung si khawh a si ti loh.Curuang ah cun ruhkhua fah le hliahcang fah a hmang mi nih a tanglei kan tial mi hi rak bih cio u sih. Kutke a hit mi le, khupruh a fak mi le, ruhkhua hliahcang a fak mi caah sii tha taktak a si.Lenglei i a phing mi a fak mi ti bantuk le a chunglei i a phing mi a fak mi pawl caah damnak sii tha a si. Cupawl a fah tikah hi sii tuah ningcang hi rak i chinchiah law rak tuahpiak ve.
A tuah ning cang cu, bel a thiang mi khan tii na tlawh ter lai i, bonbok pumkhat kha na riam hnuah cu tisa tlok mi ah cun na peih lai cu a hmin hnu khan daiten na chiah lai i a hang kha na zet lai i a uih lo nak ding caah a kih nak ah na chiah lai i cu hnu cun nikhat ah vawithum na dinpiak lai i, cu na din hnu cun na hliahcang na ruh a chung lei i a fak mi an ttam tawn mi kha a dam lai. Cu na chumh mi hang thiamthiam cun, oliv oil kha tlawmpal tein na cawh lai i, na ruh le na hliahcang na khup a fah nak pawl ah khan na thuh lai i na thuh dihin puanthan a thiang mi tein na tuam lai i daitein na ih pi lai.Cuthil cu ni choar te canhmang tein ni 20 chung na tuah a si ah cun na ruh fahnak na hliah cang le na khp tuh fahnak na thahri fahnak vialte cu lak piak mi bantuk in damnak na hmuh hrimhrim lai. Siaherh nak he a dam lo mi nih damnak rak hmu htimhrim ko uh law carel tu nan zapi cungah kan i lawm.
Leave a Reply