Nunnak Liammi Hna Cu Ralhrang Nih Khangh An Timh Hna Tiah Langhter Asi

Nunnak Liammi Hna Cu Ralhrang Nih Khangh An Timh Hna Yangon Butathawng (ဗိုလ္တေထာင္) ah nunnak a liam mi minung 6 an ruak cu ralhrang nih khangh ding in an timhtuah, Mawng Kawng Min Tank cu meithal in an kah i, inn cung dot in a tlak hnu ah a tangmi Mino 5 hna zong an zuang ve

Yangon ramthen, Butathawng peng no 44 lam, inn no.38 ah ralhrang phu hna nih an luhhnawh hna caah inn cung dot in a zuang mi hna mino minung 6 ruak cu ralhrang phu hna nih chungkhar sin ah pek lo in hmunkhat ah khangh an timh nak kong cu palik le an mah he pehtlai mi hna sin in theih a si.

Nizaan zaanlei ah ralhrang phu hna nih Butathawng teihkhan pakhat chung ah an luhhnawh caah cukahmun ah ummi mino 5 cu inn dot cung in an zuan caah an nunnak a liam, ralhrang phu hna nih mino hna cu meithal in an kah hna tiah theih a si.

“Kawng Min Tank cu inn dot cung ah a hmasabik meithal in an kah hnu ah a tla,a tang mi hna zong nih pakhat le khat kut i tlai in an zuang hna” tiah thilsining fiangten hmutu minung pakhat nih nihin zing ka ah Khit Thit Media ah a chim.

Nunnak a liam mi hna cu Mawng Kawng Min Tanh ,Mawng Yee Min Oo,Mawng Wai Yan Htet, Ma Yai Yai Myint , Ko Wai Zaw, Mawng Min Thaisa Awng hna an si. Tiha Awng Sat le Ma Poe Kyaw Kyaw Khant cu ralhrang phu hna nih an tlaih hna tiah theih a si.

“Nunnak a liammi hna hi mi zeidah an si tiah checkhlat lio a si, tlaihkhih atong mi hna sin in hlathlai an si tiah theih a si. An umnak teihkhan ah thilri hna an chiah caah nunnak a liam mi hna hi ahmuh an ngei, cu ruangah chungkhar sin ah an ruak pekthan ding cu zumh a um lo, chungkhar hna sin ah thawngthanh a si lai, ruak khangh tuk ah auh an si lai, hmanthlak nak nawl zong pek an si lai lo, ruakkhang nak caan lawng a si lai, ka theihkhat tawk cu checkhlat nak an tuah lio si ” tiah Yangon ramthen palik phu hn he pehtlai mi minung pakhat nih Khit Thit Media ah a chim.

The Chin Post

Be the first to comment

Leave a Reply

Your email address will not be published.


*