NUG Pay hman ding mi Digital Myanmar Kyat (DMMK) 1 cu kyats fangkhat he aa tluk tiah NUG Pay nih nihin June 20 ah cathanh an chuah.
Cu DMMK cu a voikhatnak Blockchain dmsehlei thiamnak pakhat a si i, Cryptocurrency bantukin ṭum kai a um lo. Central Bank(CBDC) kyats fangkhat he aa khat. DMMK cu NUG Pay in hman khawh a si lai i, a him zong a him ngaimi a si, tiah an langhter.
SAC nih tangka an pek ning le an tawnghtam ning he aa dang tuk, zeitik ahdah hman khawh a si lainak kong tu cu an langhter lo.
Central Bank nih cun Mobile Phone Service cu kan cohlang lo tiah a luancia June 10 ralrin peknak cathanh an rak chuah. Mah ti cathanh an chuahmi cu NUG a dohtu phu nih NUG Pay an duh lo caah an chuahmi a si, tiah Central Bank in tangka lei tawlreltu Director Aung Kyaw Than nih a chim.
Cu cathanh an chuahmi cu tangka lei tawlrelnak phu upadi section 172 ning in thong kum 2 le tangka nuai 100 dantatnak khawhnak upadi a si.
Asinain NUG Pay kong he pehtlai in mah tluk tiang in dantat khawhnak a um lai lo, tiah pumpak bank ngeitu pakhat nih a chim.
NUG Pay nih ca an tar te ding ni cu an thanh rih lo nain Android OS phone ah hman khawh a si lainak kong le IOS phone zong ah hman khawh ding an i zuam cuahmahnak kong cu NUG Pay nih cathanh an chuah. Cred : The Chin Pos
Leave a Reply