India news nih mah hi a chimmi asi. Kawl ralkap le Aung San Suh Kyi I tel in Rohinya pawl hi cihmih (genocide) an rak timh hna. Mi tamtuk an rak thah hna. Cu caah hi bawmhhal nak hi Rohinya ralzam hna nih an duh le duhlo a fiang rihlo.
Rohinya pawl kawlralkap le aung san suh kyi party tel in tamtuk an rak thah hna. Mah kongah hin Aung San Suh Kyi zong faktuk in vawlei cung leaders hruaitu hna nih an rak huat cang. Hi kong hi fakpi in ruah a haumi thil asi. Rohinya hna nih kawl ralkap cunglong ah si lo in, Aung San Suh Kyi cung zongah an rak lung faktuk ve. Aung San Suh Kyi nih buainak taktak a tong lio ah hin, rohinya ralzam hna nih an bawm duh hi cu zumh a har ngaingai cang ko.
Cu caah NUG nih bawmhnak a hal mi hna hi, a tutiang in a phi a pe rihlo. NUG tel in parties tampi nih an buaipi mi cu Aung San Suh Kyi asi caah, Rohinya hna nih NUG hi an bawm duh hnga maw? Rohinya hna nih kawl ram hruaitu a rak si mi, aung san suh kyi hi, a harsak tong lio maw hmuh an duhdeuh hnga, a nuamh lio dah ti cu fakpi in khua ruah a hau.
NUG nih a sawmnak hi, Rohinya ralzam hna nih an pompiak ah cun, kawl ralkap cu awltuk in mipi nih kan tei hna ko lai. Cu caah rohinya ralkap hna nih NUG an bawmhkhawh nak hnga thlacam in bawm hna usih. Mipi nih kan duhmi cu kawl ralkap thei hi asi ko caah, Rohinya ralkap hna hi kan lei ah an tang hrimhrim a hau.
Leave a Reply