NUG Nih An Kan Hlen Cikcek Ko Hih
Bochuk Aungsan nih ,” Ram ser tikah State kong cu tha deuh in kan caih te lai,” ati i Kawl nih Ramthen pasarit an i lak le Kawl pennak an ser. NUG nih cuphun cun kal ve an i tim. NUG hruaitu te Kawl deuh nih an van chilh i an rolh ahcun 1947, 1974 le 2008 phunghram he a thawtnak zeihmanh ai dang te hnga hme maw? “Kawl politician pawl tlangcung zawn an ruat timi nak in Sehtan cu vancung ah hlorh asi cang,” tikhi sisehlaw kei ka zumh khawh deuh men lai tikhi ka hei ruatchuk,cho fawn cuh.
NUG cu tlangcungmi vialte lawng si loin Myanmar ram pumpi nih kan i bochan bantuk in, a tu ah ram sersiamnak kong thanhnak a tuah mi ah hin, an kan hlen cikcek ko. Mah tining tein kawlram hruainak a kal ah cun , Kan mah le kan mah hmnah kan i sergsiam kho lai lo. Mah ram sersiam nak hi a hlen a hau, a thlen lo cun tlangcungmi nih bochan awk a tlak lo, kal tak ding bak a si.
Relchap, Chin ramkulh, Falam pengchung um mi Parte khua inn 6 cu nizaan May 10 ah SAC nih an khangh, tiah khuachung mi nih an chim. Parte khua cu Falam-Kalay motor lampi ah a um mi khua a si i, inn 90 leng umnak khua pakhat a si. SAC ralkap hna cu May 9, ah Falam in an chuak i, nizaan May 10 ah cuka khua ah ah cun zaan an riak, tiah theih a si. SAC ralkap hna le Chin mizapi vengtu ralkap hna karlak ah fak ngai in kahdohnak a chuah caah, Falam-Kalay lampi ah ummi Parte khua le Lungbang khua mipi hna cu a himnak hmun ah an zaam hna, tiah theih a si.
Kalay Khuachung Kahdohnak Ah SAC Ralkap 7 An Thi , 5 Hliam An Tuar, Kalay khuapi, Taungphilar sang , cozah riantuantu umnak inn ah umhmun khuar mi SAC ralkap hna cu CNDF nih nizaan May 10 zaan Sml8:00 hrawngah kan luhhnawh hna i kan kah hna SAC ralkap 6 an thi. Sanmyo , Moeyit zung zong CNDF, PDF – Kalay, GRF nih zaan Sml 10:00 hrawng ah suimilam cheuchung hrawng kan kah hna i SAC ralkap 1 a thih pin ah 3 hliam an tuar.
Kalay, Tahan Naykyataih pawng security a la mi SAC ralkap hna zong CNDF, PDF – Kalay, CSS, GRF nih rallam 2 i tthen in kan kah hna i SAC ralkap 2 hliam an tuar, Hliamtuar umlo tein hnu kan tolh kho tiah Chin National Organization(CNO) nih nihin May 11 ah cathanh chuah.
Dawai pengkomh, Mata peng Kyaukme Tuang khua, May 10 zaanlei ah SAC ralkap le Mizapi ralkap kar kahdohnak a chuak i khuami pakhat a nunnak liam pin ah Phungki pakhat hliam a tuar tiah Eastern Defense Force nih cathanh a chuah. May 10 zaanlei Sml 3:00 hrawngah Dawai pengkomh, Mata peng Kyaukme Tuang khua pawng ah SAC ralkap pawl cu KNDO ralkap nih kan kah hna i SAC ralkap pakhat a thi i 2 hliam kan tuar ,
Hriamnam cheukhat an lak piak khawh hna tiah Eastern Defense Force EDF nihcun an thanh. Kahdohnak ah SAC ralkap nih Hriamngan, hriamhme hna in minute 20 hrawng kahthlorh in an kah caah Kyaukme khua phungki sianginn campus chung ah hriamngan a tla i phungki pakhat hliam a tuar. Khuami pakhat a nunnak a liam tiah khuami hna le mi bawm chan tu phu hna sin in theih a si.
SAC ralkap security an laknak hmun cu KNDO Special Battalion le ttangtti hna nih kan kah hna i SAC ralkap meithal zuun 1 le kuan bawm 4, kuan 219 hna kan lak khawh tiah Eastern Defense Force EDF sin in theih a si.
SAC ralkap nih nihin May 11 zinglei sang ah Magway ramṭhen, Yezacu peng Yelayhcun(ရေလယ်ကျွန်း) hmun ram ah khua pathum cu an khangh ṭhan, tiah theih a si. SAC ralkap pawl cu nihin May 11 zing lei sang ah Mayzun(မြေစွန်း) khua, Sedihmin(ဆည်သည့်မြင်) khua le Bisatkung(ဘိစပ်ကုန်း) khua hna ah an lut i mei in an khangh caah Tualchung mi a thong in inn le lo an zaam tak, tiah theih a si.
SAC ralkap pawl cu May 10 ah Yelayhcun hmun ram lei ah rallam an rak sial i Phyobu(ဖြုံဘူး၊), Miphaya(မိဖုရား), Bukung(ဘိုကုန်း), Mekung le Bungtawpih(ဘုန်းတော်ပြည့်) khua hna cu mei inn an khangh caah khuami dihlak an zam, tiah tiah a si. “Nihin May 11 hi uico pawl khoika dah an kal te lai tiah khuami nih kan ngiat ko hna. Kan khua lei an rat ahcun ngeihchun mansung thilri hna zampi ding timhcia a hau.
PDF nih bomb an puahhnawh tawn hna caah khoika khua dah an khangh te lai ti cu, aho hmanh nih chim khawh si rih lo,” tiah Yezacu khua ummi pakhat nih a chim. Yelayhcun hmun ram i rallam a sialmi SAC ralkap cu Maytaw palik sakhan ah zu an ding. Nihin May 11 sml 8:20 hrawng ah Setimyint(ဆည်သည်မြင့် ) phungki sianginn chung um thilri zong an hrawh, tiah theih a si.
Sagaing ramsung ah CDM tuah siibawi pawl cu ralhrang pawlin an kai ih an hnaṭuannak siikhan khal an kalhsak. Nandawan vengsung ih um siibawi Dr. Aye Thi Khaing cu ralhrang in ramsung thuneihnak an lak ruangah an kuthnuai ah hna a ṭuan duh nawn lo ih CDM a tuah, amahten siikhan a ong.
Tualsung mi pakhat in, “Dalan ih heknak ruangah an kai. May 6 sun ah an kai ih mizan May 9 ah a siikhan cu an ra kalh. NUG hrangah na cangvai tin an kai” a ti. May 5 khalah CDM tuah siibawi Dr. Zar Phyu Win cu ralhrang pawlin an kai ih a hnaṭuannak siikhan khal an kalhsak. Siikhan an kalh hnuah vengsung ih um ramkhel hminthang Kyaw Naung Naung inn khal an kalhsak. Ralhrang in ramsung thuneihnak an lak hnuah Sagaing ramsung ah CDM tuah inn (70) hrawng an kalhsak zo.
SAC ralhrang nih ram daihnak sawmnak a tuah mi ah kai dingin cohlang cang mi phu 9 cazin chuah dih a si hnu a dih bak ah tu ni ah mah sawmnak a kai hnga ding in hriamtlai phu khat an i chap tiah SAC ralhrang in chim nawl ngeitu Zaw Min Htun nih a chim. Mah sawmnak ah a kai hnga ding a chap mi phu cu NCA min a thu cia mi LDU a si tiah theih a si.
Cu ruangah CNA ah min a thu ciami a si mi phu ah ALP, DKBA, KNU/ KNLA-PC, PNLO, NMSP le RCSS hna cu SAC ralhrang nih sawmnak a tuah mi ah, NCA ah min a thu ciami ah kai aa timh an si hna tiah theih a si. NCA ah min a thu rih lo mi ah UWSA, SSPP le NDAA phu 3 hna hi SAC ralhrang nih sawmmi ah NCA min a thu rih lomi in kai aa timh mi hna an si tiah theih a si.
A tu ah NCA ah min a thu cia mi an si ah, NCA ah min a thurih lomi hna tel in SAC ralhrang sawmnak ah kai dingin cazin a peek cang mi hi phu 10 an si cang i, KNU, KIO , ABSDF, CNF le KNPP hna nih cun kai lodingin cathanh an chuah tiah theih a si.
Leave a Reply