NUG, Bago Ramthen Uknak Sersiam Nak Ding Caah Nih KNU He Rian Kan Tuantii Lai
Bago ramthen uknak sersiam dingah KNU he timhlamhnak an ngeihtii nak kong cu NUG in Pyihtayyi le Luu-Hmuh vuanci U Lwin Ko nih a chim. ” A tu ah kan mah Sagaing ramthen, Magew ramthen hna hi an ttha ngai cang. Hmunhma 36 hrawng cu ttha tein ukkhawh a si cang. Mah ah 36 hmunhma lawng si loin uknak vun samh deuh a si. Uknak sersiamnak kongah a pahnih nak thim mi cu Bago ramtthen hi a si.
Bago remthen hi uknak sersiamnak in tuanvo laak cuahmah lio a si. EAO nih biatak tein ceihhmai cia mi a si cang. KNU lee NUG cu a fek mi raltuk cawntii nak. Ramkhel pehhtlainak zong a ngei cia mi kan si caah Bago ramtthen hi biatak tein timlamhnak kan ngei” tiah May thla ni khat ah a chim.
Bago ramtthen lawng si loin Irrawaddy ramthen zong Mipi uknak sersiamnak pehzulh in tuanvo laak ding a si i, NUG cozah nih a tu ah Pilot Project in Sagaing ramthen chungah uknak hmuhma 9 ah i hruai uknak, hmunhimnak, caan kar fimcawnnak tuanvo laak nak zong a hram domh a si cang tiah theih a si.
Myanmar American Forum nih tuanvo laak in tuah mi Global Myanmar Forum ah tonbiaruah ceihhmainak ah Operation Bago caah bomh hal piak a si i, tonbiaruahnak ngei caan zarh hnih chungah U.S dollar in ting thum leng hmuh a si tiah Myanmar American Forum nih thanhnak a tuah nakin theih a si.
Palaw Peng Kahdohnak Ah SAC Ralkap 2 An Thi, Taningtharyi ramtthen, Palaw peng Caung Ningh(ကျောင်းနိမ့်) khua kahdohnak ah SAC ralkap 2 an thi tiah Palaw People Defense Force(PPDF) nih nihin May 2 ah an thanh. Kahdohnak cu nizaan May 1 chun Sml 12:30 tluk khan aa thok i zaanlei Sml 3:30 hrawng tiang kaphnih kar i kah a si i PPDF le tangrual phu kan i bawm, ” Palaw ah umhmun a khuar mi khah-lah-yiah(ခလရ) 285 he meng 2 tluk aa hlatnak in kan i kap. SAC ralkap thazaang 100 leng an si,” tiah PPDF in rian ngeitu nih People Spring media ah a chim.
Kahdohnak a chuahnak hmun Caung Ningh khua mipi inn 4 SAC ralkap nih an khangh tiah a chim chap. Kahdohnak chung ah SAC ralkap 2 an thi i pakhat hliam a tuar,PDF pakhat hliam hmete a tuar ve tiah theih a si. April thla dongh lai zarh khan SAC ralkap nih Taningtharry ramtthen ah rallam an sial chin lengmang ruang ah kahdohnak zong a fak ching lengmang ve.
SAC Ralkap Hriamngan Ruang Ah Forest Department Rianttuantu 8 An Nunnak Liam, Shan ramkulh, Pinlaung(ပင်လောင်း) peng Hting Pin(ထိန်ပင်) khuakomh Pinlaung-Nyipyidaw kalnak lam Ling Li (လိန်းလီ) hlei ah April 30 chun Sml 12 tluk ah SAC ralkap le tualchung mipi vengtu ralkap kar kahdohnak a chuak i SAC ralkap nih hriamngan an kah mi nih a khen hna ruang ah Forest Department sakhan pakhat ah rianttuantu minung 8 an nunnak liam i Kaan Hla(ကန်လှ) khuami 2 an i tel tiah tualchung mi sin in theih a si. SAC ralkap nih Paunglawng Ling Li(ပေါင်းလောင်း လိန်းလီ) hlei cu an phih khar i mino an tlaih hna, Naypyidaw lei luhnak lam pawl an phih khar tiah theih a si.
Htilin Ah SAC Ralkap Nih Tualchung Mi An Tlaih Hna I Ralphaw Ah Ser Hna Caah Khua Mi An Zaam, Magwe ramtthen , Htilin(ထီးလင်း) peng kahdohnak ah SAC ralkap a thi le hliamtuar an tam caah tualchung mi an tlaih hna i ralphaw ah an i serh hna caah khua mi an zaam tiah theih a si. Htilin peng rallam a sial mi SAC ralkap hna cu Yaw Defense Force(YDF), PDF hna he a tu le tu te an i kap lengmang i SAC lei a thi mi an tam caah tualchung mi an tlaih hna i ralphaw ah an i ser hna tiah YDF Htilin Batallion-3 nih an thanh.
A tu ah ral a zaam mi ralzaam hna cu YDF Htilin (Shwe Som Nyo) nih a himnak hmun ah an kal pi hna i umhmun zong an zoh pi hna i tualchung ralzaam pawl hna caah bawmhnak tam pi an herh ko tiah theih a si.
Leave a Reply