Upadi ning lo in ralhrang nih zuar ding in timhtuah mi ramleng um Myanmar ngeih mi Tanzung vawlei hmun le inn hna cu cawk nak kong cu upadi lo a si ruang ah cawk lo ding in NUG nih September 14 ni nizan ah a thanh Myanmar ram nih a ngeih mi a si tiah a min a thang mi ramchung ram leng ram ngeijmi vawlei, le inn hna cu mipi hna nawl lo in ralhrang nih tlangtlak nak nawl le zuar nak nawl a ngei lo tiah NUG nih a thanh.
Inn hngak cozah tiah a mah le amah a au mi ralhrang cu NUG nih phungning lo cozah a si tiah a thanh i UN le ramkip zong nih phungning lo cozah a si tiah an cohlan lo nak kong NUG nih a chim. NUG nih ram leng hna um mi myanmar ram ngeih mi Tanzung vawlei hmun le inn hna cu ralhrang nih a cheu a si pek, a zapi in a si pek ah zuar ding in a zuam nak cu phungning a si lo caah an zuar lo ding in ka thloh hna tiah NUG nih a thanh. Ralrin peng nak hna cu ngai lo in cawk zuar nak a um ahcun a zuar tu a caw tu kaphnih cu NUG nih sualphawt nak nawl a ngeih tiah NUG cozah nih a thanh.
Kachin ramkulh, Hoepin peng Takun khuaah nizaan September 14, zaanlei suimilam 5:40 hrawngah ralhrang phu hna nih khuachung mino cheukhat an tlaih hna tiah theih a si. Meithal puah thawng le bomb puah thawng theih hnu ah ralhrang phu hna cu khuachung ah lut in mino minung 10 nak tlawmlo cu an tlaih hna tiah khuachung in a hmu tu pakhat nih The 74 Media ah a chim. “Khuachung ah an meithal he a phu phu in an ra, inn chung in ka bih hna i ka hmuh khawh tawk cu minung 10 nak tlawmlo cu an si ko.
Ralhrang motor cung ah mino hna cu an kut an lu cung ah an chiahter hna, nu cu an i tel lo. Zeiruang ah an tlaih hna cu ka thei lo, lam ah an hmuhmi mino poah kha an tlaih hna” tiah a hmutu hna nih cun a chim. Takun khua mino tlaih a tong mi hna cu khoika hmun ah an kal pi hna theih a si rih lo, ralhrang phu hna zong an kir rih lo caah thinphang a si ko tiah a chimchap. Ralhrang phu hna cu ralhrang thuam, mipi thuam sawh he an hriam thil put in minung 30 hrawng cu high school sianginn ah umhmun an khuar tiah theih a si. The 74 Media
Leave a Reply