NUG Kuttang Ralkap 100000 Leng Cu Hriamtling Pek Le Thlahlawh Pek An Si Cang ,

EAOs le NUG Pumkhat Asikhawh Lomi Hi Zoom Meeting Lawng Nan I Rinh Ruangah Asi.Zoom Meeting cu thawngpang I thanhnak, Chiatni, Ṭhat Ni tbk caahcun a hlawhtlin bak ve ko. Ram le miphun thihnak le nunnak, Kan miphun hmai lei Ramkhel karhlannak caah, biakamnak, hnatlaknak, Senthuhnak, Trustbuilding timi zumhtlak le ngamhtlak sinak, tbk caah, Zoom Meeting lawng aza lo. Ramkhel kong cu Zoom Meeting nih Khuakhan Lairel khawh asilo.

Decision Making timi Adikmi le Miphun le Ram damnak caah biachahnak a ngeih khawh lo. Pumpak in siseh, Cabuai cung ah siseh, tawn biaruahnak in alam kawl ding mi asi deuh. Aa tel ding mi Upa hruaitu lawng I telin Innka kharbak in Khuakhan le Lairel a herh. NUG le EAOs meeting kan zohṭhan tikah, a holh bak lomi upa hna an um. Afek I practical ah asi khawh mi biakamnak aduh rua tiah ka hmuh. Mipum in tawn biaruahnak nak tuah ding pawl ansi. Zoom ahcun Security le Safety aum lo. Information Fleak asi kho. An hnu le aphen ah,Bukbau ah aathup mi a um rih tiah an ruah caah, bia an holh lo nak asi.

Bia an chimh hmanh ah athlam (Thluangthlam , a tlangpi) lawng in an chim. Lungthin tak in, aruk le thlik tiang langh in an chimh bal lailo. NUG nih tuah cia mi Meeting bia zong a leng ah achuak mi a tam tuk hrinhran cang. Cu caah, Biatak le biadik, an duh taktak mi Ramkhel kong le Chunmang laingluang an chimh ngam cio tilo. EAO nih an ruah bikmi cu, Kawlram huap pi kong ceihhnu le hlutchuak hnu ah Tlangcung mi kong le mah miphun Ramkhel kong ara lai tihi asi dih ngawt.

A kawlte hrim nih Tlangcung mi kong in thawk mi an duh lo I, an um bal lo, an tuah bal fawn lo. Aholh lo mi pa cu Kan Dr Pa nih ziah a hung ti tikah, Nanmah kong hi Nipidaw Municipal Hostel ah khan a dih cang ko cu ta, chimh awk aum ti ṭung lo an kan ti diam le ar ko in kan um. NUG nih Zoom meeting le interview, Facebook, Social Media lawng hi I bochan ti hlah uh, EAO siseh, aatel ding mi le aatel tlakmi Upa lungfim, Mifimthiam, Politician tbk vialte cu pumpak in kal hnawh uhlaw, va tawn cang hna uh, Biaruah cang hna uh Cabuai cung ah. An umnak hmun ah nan kal khawh lo ahcun, Security le Safety asi bakmi, Ahimbawm nak hmunhma le ram ah tawn biaruahnak ngeih cang uh. TA, DA zong pek ko ngat uh, Phaisa hmang cawk lo kan ngeih ko khah.

Federal Army cu NUG hlan ah CRPH nih an dirh khawh diam lai tiah kan in zumhbak hna. CRPH nih kan ti khawh tilo, NUG tal nih kan ti asi khawh hlei lo. EAO pumkhat siter awk ah Dr. Sa Sa nan sawm nain a si khawh ve lo. EAOs hna funtom in Federal Army kan dirh piak hnaseh kan ti nain aahlat chinchin. CDF PDF fonh in Federal Army a hung pawt cang lai kan ti. NUG Kuttang um duh lo mi PDF le LDF tu an karhcho lehlam. CDF hman ah CDF Mindat ee, CDF Pentlang ee, Zoland ee, Maraland ee, PDF ee, MDF ee zei ee tiah CNA kuttang ah kan um khawh dih lo. Cucaah CJDC kan ti hoi nain, kan hlawhtlin dih khawh ti lo. Funtom tu NUG le Upa hruaitu hna daithlan, Popular duhtuk, Credit lawng duh, ṭuan hmasat ding le ṭuan hmanung ding thleidan thiam lo / Khawh lo, rian thiam lo le santlai lo ruangah asi ko kan ti lai. Mipum in tawn le biaruah um loin, Zoom Meeting le Interview lawng I bochannak a phi chuak asi ko.

NUG kuttang Ralkap 100000 leng cu hriamtling pek le thlahlawh pek an si. CDF tel in NUG kuttang lo PDF le LDF hi Lobawmh maw ansi. Lo Nei khawh lo maw kan si ne? Hlawhbung maw, Chawmrawi dah? Ruah ah thin alinh I a nuam lo ngaingai. Kan ṭuan cia mi vialte le nunnak thisen relcawk lo kha, thathunh men in maw nan I timh hnga, khuaruahhar minung nan si hrim ko. NUG kuttang lo PDF LDF hi Ṭatzing 400 leng asi. NUG kuttang hi Ṭatzing 100 lawng kan si.

Chin Dr Pa pakhat deuh nih Pine ah Zeizongza ṭhawn ter kha pei Federal asi cu. Federal cu Pine in aathawk peng lai an kan ti. Kan theihhngalk thiam ko. Nain Paucan Dohthlennak ah MFidi le hruaitu cu NUG asi caah pumpi ning in I phete awk acu asi ve lo cu ta. Thanhtling liak ter le cite liak ter nih an kan sim tuk cang Mipi cu. NUG PDF poipang asi sual ah EAO kung tlung ṭhan ding kan si caah, Zoom Meeting lawng I rinh tilo in, Pumpak bakin, Mah nih kal hnawh in, an inn le na khua bak ah va riak hnawh in, Tawn Biaruahnak tu in Ramkhel ah siseh, kan ram le miphun damnak tling caah siseh, Federal Democracy caah siseh, adangdang kong ah siseh, EAO le NUG biaruahnak kip ah (Abikin), Zoom Meeting ah si ti loin, Tawn biaruahnak tu in, can kan hman piak cang hram uh tiah zangfah nawl buin ka bia ka dongh ter. Kaalawm. Credit -Zintincuai Cinzah

American Kong Relchap; American Vice President Kamala Harris cu  cacawn nithumni ah khan Covid-19 a ngeih nak kong cu The White House nih thanh nak a tuah tiah theih a si. American ram pi cu Covid-19 a phak hlan bantuk dir hmun an phak dingin an i zuam cuah mah buin, tatmat mi pawl khamkhawh ding in an i zuam cuah mah lio ah American ramh chuing ah Covid-19 zawtnak a ngei mi, mi tampi an um rih ko tiah theih a si.

American President Joe Biden zong, Jill Biden zong nih Vice President Kamala Harris  he neihniam in an um lonak kong cu Vice President i, thawngzamh thianhhlimnak ah Kirsten Allen nih a chimnak in thawng theih a si.

” Ka pum chungah Covid-19 zawtnak a lang rih lo nain, kei cu hmun kaa dang tathmat nak ah ka thu ka dir i, CDC zulh  phung  lam zong ka zulh ko” tiah American Vice President Kamala Harris nih a chim. Kum 74 a si cang mi American Vice President Kamala Harris cu Pfizer antiviral, Paxlovid a din piak lio a si ti zong in theih a si. Crd-Popular News Journal