Florida nupa pahnih hna nih cun nu hngakchia kum 7 i upa mi cu an tleihhrem tawn pin ah an velh tawn ruangah tleih an si.
Nu hngakchia nih cun a cung i thil cang mi fihnung tuk mi kong vialte cu amah zohkhenh tu (caregiver) sinah a chim viar. cun palik hna sinah an report i an tleih ve colh.
Angelio Pupa kum 32 i upa mi nih cun nu hngakchia kum 7 mi cu a velh tawn pin ah a tleihhrem tawn, hngakchia a tleihhrem lio ah hin a nupi kum 27 i upa mi Morgan Keene nih cun a rak zoh sawhsawh ve tawn tiah an chim.
Tleihhrem a tong mi hngakchia nute hi a hliam a fak ngai, doctor sinah kalpi lo in a hliam hna cu an nupa in an rak thit piak tawn ti theih a si. nu hngakhcia nih cun fa ngei ning cawnpiak an ka tim tiah Palik sin ah a chim.
A hramthawk ah cun Angelio Pupa le Morgan Keene nih hin thil si ning cu tha tein an chim duh lo, asinain a tu ah cun Morgan nih apasal cu mi velh hmang mi le nuva sinak hman a duh tuk mi a si tiah thil si ning vialte a chim viar cang.
Mah hna nupa hi zeibantuk hremnak dah an pek lai ti cu theih a si lo.
Leave a Reply