North Korea Ramah Covid Zawtnak A Ngei Mi Minung 2 Million An Si Cang!!

North Korea ram ah Covid-19 a ngei tiah ruah mi mi minung 261,270 an karh nak kong cu May thla ni 19 tuni ah thawngthanhnak an tuah i, Covid-19 zawtnak a ngei mio hi an za piin minung 2 Million deng an um cang tiah theih a si. Cozah nih covid zawtnak a karhnak kong cu  theihternak a tuah hnu ah Covid-19 khamnak sii aa chunh rih lo mi mipi miluu zawtnak a ngei mi zatuak cu zawrter deuh ding in kaa zuam lai tiah thanhnak a tuah tiah theih a si.

North Korea ram ah Virus zawtnak hlethlai test nak thazaang le a dang ngandam zokhenhnak a tlawm tuk ruangah a si tiah theih a si. Cu caah hruaitu Kim Jong-un cungah ramkhel ningah a thi mi theiternak an tuah mi hi a mit hmai an zoh tuk caah a si men lai ti zongin ruah a si. N.Korea ram ah Covid  in a nunnak a liam mi minung 63 an si cang nak kong,

Hi a thi mi hi zatuak in tuak ah cun zawtnak a ngei mi  he zatuak he cun aa khat lo ngaingai tiah theih a si i Kim Jong-un a mithmai an zoh tuk i, an tih tuk ruangah a thi mi hi an zawr ter deuh mi a si lai tiah zumh a si. A tuah cia mi April thla dih lei in N.Korea ram ah mizaw 1.98 million an umnak kong cu KCNA thwngzamh nih thanhnak a tuah. A  tlawmbik in mizawt tiah ruah mi 740,160 cu Quarantine ah a dang tein an chiahnak hna kong zong KCNA nih thanhnak a tuah.

Relchap, 2022 January thla in March thla tiang ah bomb phummi le ral hriamnam in Myanmar ram mi a thimi le hliamhma a pumi he 100 an phan, tiah UN OCHA nih May 18 ah cathanh a chuah. Shan ramkulh ah aa hliammi le a thimi an tam, Cu chung ah ngakchia hliamtuar le a thimi hi cheu thum cheu khat(37) an si, tiah an langhter. Bomb phummi le hriamnam a puak lomi ṭilṭawt nih tualchung mi harnak a pek hna i, an nunnak ca ah ṭih a nung tuk, tiah UN OCHA nih an langhter.

A luancia zarhhnih chung ah Shan le Rakhine ramkulh ah bomb phummi voi 4 a puak, tiah cathanh ah an langhter. Rakhine ramkulh Ann peng Dalet khuami pa, kum 30 hrawng le Minpia peng PanMyuang khuami pa, kum 68 hrawng cu bomb phummi lamh sual ruang ah an nunnak a rak liam. May thla chung ah Kyaukme peng Panlin khuami ngakchia pa kum 13 cu, dum a va kal a ṭin lei ah bomb phummi a lamh sual caah hliamhma fak ngai a tuar. Naping khuami pa, kum 26 hrawng zong dum a va kal a ṭin lei ah bomb lamh sual ruang ah aa hliam ve.

Karen National Union (KNU) humhak mi ram chung ah ”Federal Refresher Training” (FRT) tiah Federal kong cawnnak kan tuah kho tiah KNU nih May 19 ah a thanh. Hi Federal kong cawnpiaknak ahcun Ramhrin fa mino zate an i tel kho i KNU hmunhma chung ummi Karen mino zong an i tel kho i an dihlak mino 22 an kai kho tiah theih asi.

Hi training ahcun Democracy phunglam, Federal ukhruainak le Myanmar ram tuanbia, Tlangcung miphun hriamtlaihnak tuanbia le tulio ramkhel buainak pawl hna an cawnpiak hna i Cawnpiaktu ah Pado Saw Hla Htun, Pado Saw Ta Mein Htun le Pado Popo Hto Aung hna an si.

Be the first to comment

Leave a Reply

Your email address will not be published.


*