North Korea nih US biachim mi cu mah ti bak hin a van leh

American President Joe Biden Nih Ralser Policy A Hman Tiah North Korea Nih A Puh

American president Joe Biden cu ralser policy a hmang tiah North Korea nih a puh, American i leng lei envoy rian tuan nak cu hnawt in leh rulh ka cham lai tiah Sunday ni ah khan a chim.

North Korea i nuclear in tlerhkhonh nak cu envoy lei in sihnalh ding ah a mah cozah nih biaruah ti in tuah ding a si i,khat lei zong nih tlerhkhonh nak cu a ngol ter lai tiah president Joe Biden nih wednesday ah khan a chim hnu ah north Korea bia leh nak cu tu bantukin a chuah hi a si.

Korea peninsula ah nuclear hriam hrawh/ fim nak policy zohfel nak dih hnu ah north Korea he biaruah nak caah American president nih inn ka a on ko tiah Friday nih ah langhter a si ko na in Joe Biden nih palh lo ding aa palh cang tiah north Korea nih a chim.

American nih a chim mi envoy rian tuan nak cu leng lei sawh lawng a si i north Korea cu nuclear hriam in lehrulh ding tlerhkhonh nak cu hmu kho lo ding in a thuh tiah north Korea foreign office ah rian sang tlai si mi Kwon Jung Gun nih a a langh ter.

Korea peninsula ah thianghlim ten a um khawh nak ding cu an i tinh mi a si ko nain zei bantuk in dah rian an tuan than te lai ti cu siangpahrang inn ah um mi biachim nak nawl ngei tu nu Jen Psaki nih a chim lo.

The Chin Post