NLD Party Le SNLD Party Hlethlainak Tuah Dingin UEC Nih Biachahnak A Tuah Cang

NLD Party Le SNLD Party Hlethlainak Tuah Dingin UEC Nih Biachahnak A Tuah Cang

NLD party le Shan party a si mi SNLD party hna cu thlaruk a dih hlan ah hlethlai dingin UEC nih biachah nak a ngeih cang. ” Ton biaruahnak a phak hlan ah hi kong he aa pehtlai mi party nih pahtlai tinpiah mi cu biaruah ceihhmainak nih biachah ningin kap hnih in hnatlaknak ngeih khawh nak hnga ding ah caan pek in tuanvo lak dingah a herh mi pawl zong a um caah hi kongkau hmathlak in Ni 30, thla 6 thla, kum 2022 a phak hlan ah hlethlai dingin biachahnak kan ngei cang tiah UEC phu in U Khine My Oo nih a chim.

U Khine Mg Oo nih tuni Nay Pyi Daw ah tuah mi SAC ralhrang thawngzamh thiamhhlimnak an tuah mi ah a chim mi a si. NLD party le SNLD party hna cu tathmat mi caan karlak chungah hlethlai ding caan ah an ral rat lo caah a herh ningin dattatnak pek dingah Pyidaungsuu thimnak commission president le mah phu cung tel upa pawl ton biaruahnak an ngei ti zongin theih a si.

Pyidaungsuu thimnak commission nih ramkhel party pawl cu party nih a hman mi tangkaa le thilri a thing mi pawl, a hman mi, hlethlai nak pawl telin party phu nihtuanvo a laak mi  cazin pawl hlethlainak cu ni 23, thla 8 thla, kum 2021 in an rak thawk cang tiah theih a si.   lethlainak tuah mi ramkhel party pawl hi 92 party an um  i, hlethlainak tuah dih cang a si mi party hi 82 party an si cang tiah theih a si. NLD party le SNLD party telin party 10 hna hi hlethlatnak tuah ding ah a tang mi party an si hna tiah theih a si.

Thawngdang,KhinOo peng Tanbu khua Cu SAC Ralkap Nih An Khangh Inn 200 Leng A Kaang!  Sagaing ramṭhen Shwebo pengkomh KhinOo peng Tanbu(သံဘို) khua cu SAC ralkap nih April 26 ah luhhnawh in an khangh caah mipi umnak inn 200 leng vutcaam ah aa cang dih, tiah tualchung mi nih an chim. SAC ralkap hna nih cun khuachung mipi umnak inn lawng siloin satil-arva Caw, Naa, le Tuu 15 cu an khangh chih hna, culengah cycle zeimawzat zong an khangh chih, tiah theih a si. “SAC ralkap hna le pyusawthi hna kut in khuachung inn 200 leng a ciamh lengah saṭil zeimawzat zong meikanghnak in an thi,” tiah tualchung mi pakhat nih a chim.

SAC ralkap Pakhat Cu Kalaymyo Tualchung Hriamtlai Phu Sin Ah A Lut: SAC kuttang rianṭuantu ralkap pakhat si mi Saw Ae Tlei (private number တသ/555161) cu Kalaymyo tualchung PDF battalion 5 sin ah a lut i, a himnak hmun ah kalter a si cang, tiah Kalaymyo tualchung PDF battalion 5 nih an thanh. “Thil dik a ṭanhtu ralkap Saw Ae Tlei cu kanmah PDF nih lunglawm tein kan don,” tiah Kalaymyo tualchung PDF battalion 5 sin nihin April 27 ah an thanh.

Atu lio hrawng hi SAC ralkap nih Kalaymyo lei ah rallam an sial caah tualchung hriamtlai phu hna le SAC ralkap kahdohnak a chuak lengmang. April 24 le 25 kahdohnak ah SAC ralkap 13 hrawng an thi i, an motor zeimawzat zong an rawk. Natchawng le Chawngkhuah khua cu an khangh caah inn 40 hrawng an kaang, tiah theih a si.