Hakha Khuapi Ah Cozah Riantuan Minung Pahnih Kan Tlaih Hna Tiah SAC Ralharng Nih Thanhnak A Tuah
Nizaan suimilam 12:00 hrawngah Hakha khuapi ah SAC ralhrang nih an tlaih mi hna cu,” Social Media facebook ah sahrang riantuannak cohlan tibantuk, thawnghman lo an zamh tibantuk, CDF phu pawl he pehtlainak a ngei mi Daw Wun Hwe ((ဦးစီးအရာရှိ၊ချင်းပြည်နယ်ပညာရေးရုံး) riantuan le Daw Aye Aye Maw (ဒုဦးစီးမှူး ပြည်တွင်းအခွန် များဦးစီးဌာန) ah riantuan mi cozah riantuan mining pahnih kan tlaih hna.” tiah SAC ralhrang thawngzamh nih thanhnak a tuah.
Sagaing ramṭhen, Myuang peng ah nizan May 24 zinglei ah rallam a sialmi SAC ralkap 100 hrawng cu, Drone in kan kah hna, tiah Myuang PDF nih cathanh an chuah. Rallam a sialmi SAC ralkap pawl nih Phuasaw khua an khangh dih an kal lei sml 10:00 hrawng ah, Hletin(လှေတင်) le Kudohkung khua karah Drone ah bomb lung 2 kan thlaih i kan kah hna, tiah an langhter. Kudohkung le Myuang khua kar hmun pakhat ah chun sml 12:45 hrawng ah bomh an puahhnawh ṭhan hna i SAC ralkap 6 an thi, 2 hliamhma an pu, tiah theih a si.
“Drone in kan kahmi hna ah a thimi zat kan hngal kho rih lo. Drone in kan kah hna hnu, Myuang khua chung an phanh hlan ah kan kah ṭhan hna i SAC ralkap 6 an thi, 2 hliamhma an pu,” tiah MSPDG ṭuanvo ngeitu Bo Mong Taing(ဗိုလ်မုန်တိုင်း) nih Ayewaddy Times ah a chim. “SAC ralkap pawl cu May 2 in Myuang peng chung ah rallam an rak sial i, mizapi inn le lo zong an khangh. Nizan May 24 kan i kahmi he fonh ahcun a tlawm bik voi 5 a si cang,” tiah a chimchap.
Cu kahdohnak ah Sagaing pengkomh Battalion 5, MSPDF ၊ Burmese Guerrilla Force BGF၊ Natogyi Regional Defence Force 1၊ Myinchan pengkomh Battalion 1, 27 Revolution Force le Myinchan pengkomh Battalion 3 hna i bawm in an kah hna, tiah theih a si.
Sagaing ramṭhen, Chaung U peng Kinmuntaw(ကင်းမွန်းတော်) khua ah SAC ralkap le Pyusawthi 50 hrawng cu, Maytekyukun(မယ်သဲကြိုးကွင်း) lei ah an kal i, mizapi umnak inn an hrawh, thil an fir caah bomb voi 10 PDF nih an puahhnawh hna caah 36 an thi, thiah theih a si. SAC ralkap le Pyusawthi 50 hrawng cu, Chaung U khua in thlanglei lam ṭhen in nitlaklei ah riahcaw he an kal. Cu lioah Chaung U PDF le CMWA phu nih bomb voi li an puahhnawh hna caah SAC ralkap 9 an thi, tiah theih a si. A thimi ruak cu motor in an kalpi hna i, a taangmi cu Maytekyukun khua ummi Pyusawthi he an va i fonh i, PDF nih bomb an puahhnawh ṭhan hna caah SAC ralkap 24 an thi ṭhan. A taangmi SAC ralkap le Pyusawthi 15 cu thil an firmi he Kinmuntaw khua lei ah an kir.
Maytekyukun in Kinmuntaw khua lei ah a kirmi cu Chuang U PDF nih bomb kan puahhnawh ṭhan hna caah SAC ralkap 3 an thi ṭhan, an dihlak a thimi hi 36 an si, tiah Chaung U PDF nih cathanh an chuah. Sagaing ramṭhen, Myinmu peng ah May 24 zinglei sml 4:30 hrawng ah Innma khua ah rallam a sialmi SAC ralkap pawl cu, Kanhpyia(ကန်ဖျား) khua ah bomb kan puahhnawh hna caah motor pakhat a rawk, tiah Myinmu PDF cathanh an chuah. May 24 zinglei sml 11:00 hrawng ah SAC ralkap pawl cu, Black Eagle Defense Force- MIMU le PEOPLE Guerillas Commando – Myinmu nih an kah ṭhan hna i, SAC ralkap 2 an thi. Minutes 15 hrawng a rauh ah bomb kan phummi kan puah ṭhan caah SAC ralkap 9 sii-inn an phan. Nihin May 25 ah a thimi an um kan theih, tiah Myinmu PDF nih an langhter.
May 24 zanlei sml 3:00 hrawng ah rallam a sialmi SAC ralkap pawl cu, motor kam in ke in an kal lioah bomb in kan puahhnawh hna i, 6 an i teng colh, hliamhma fak ngai an pu, tiah Myinmu PDF nih an langhter. May 24 ah Innma khua lei rallam a sialmi SAC ralkap le PDF kahdohnak ah PDF ralkap 2 an nunnak liam ve.
Leave a Reply